ରାସ୍ତା ପାର୍ଶ୍ୱରେ ଛିଡା ହୋଇଥିଲା ଟ୍ରକ୍‌, ପଛରୁ ପିଟି ଦେଲା ବାଇକ୍‌

ରାସ୍ତା ପାର୍ଶ୍ୱରେ ଛିଡା ହୋଇଥିଲା ଟ୍ରକ୍‌। ହଠାତ୍‌ ପଛ ପଟୁ ଧକ୍କା ଦେଲା ବାଇକ। ଏହି ଦୁର୍ଘଟଣାରେ ଜଣେ ବାଇକ୍‌ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି। ଏପରି ଦୁର୍ଘଟଣା ମାଲକାନଗିରି ଜିଲ୍ଲା କାଳିମେଳା ନିକଟସ୍ଥ ଏମଭି ୩୫ ଗ୍ରାମ ନିକଟରେ ଘଟିଛି । ମୃତକ ହେଲେ ସୁଜନ ବିଶ୍ୱାସ।

ଯାନ୍ତ୍ରୀକ ତ୍ରୁଟି ହେତୁ ଏକ ପିଚୁ ବୋଝଇ ଟ୍ରକଟି ଏମଭି ୩୫ ଗ୍ରାମ ନିକଟସ୍ଥ ଜାତୀୟ ରାଜ୍ୟପଥ କଡ଼ରେ ଛିଡ଼ା ହୋଇଥିଲା। ମାତ୍ରୁ ଦ୍ରୁତ ଗତିରେ ଆସୁଥିବା ଏକ ବାଇକ୍‌ ଭାରସାମ୍ୟ ହରାଇ ଟ୍ରକ୍‌ ପଛ ପଟେ ପିଟି ହୋଇ ଯାଇଥିଲା।

ବାଇକ୍‌ରେ ଦୁଇ ଜଣ ଥିବା ବେଳେ ଘଟଣା ସ୍ଥଳରେ ସୁଜନ ବିଶ୍ୱାସଙ୍କର ମୃତ୍ୟୁ ହୋଇଛି। ଏହି ଦୁର୍ଘଟଣାରେ ଜଣେ ଗୁରୁତର ଆହତ ହୋଇଛନ୍ତି। ଆହତଙ୍କୁ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।