OR 
ବୁଲାଣି ରାସ୍ତାରେ ଭାରସାମ୍ୟ ହରାଇ ଚଳନ୍ତା ବସ୍ରୁ ଖସିପଡ଼ିଲେ ହେଲପର। ତାଙ୍କ ଉପରେ ଚଢ଼ିଗଲା ବସ୍ ଚକା। ଘଟଣାଟି ଘଟିଛି ବ୍ରହ୍ମଗିରି-ଖଜୁରିଆ ରାସ୍ତାର ନିଖିରା ଗୋବିନ୍ଦପୁର ଛକରେ।
ମୃତ ହେଲପରଙ୍କ ନାଁ ହେମନ୍ତ ଲେଙ୍କା। ତାଙ୍କୁ ୨୨ ବର୍ଷ ହୋଇଥିଲା। ତାଙ୍କ ଘର ସ୍ଥାନୀୟ ଦାମୋଦରପୁରା ଗାଁରେ।
Also Read
ବସ୍ଟି ପୁରୀରୁ ବ୍ରହ୍ମଗିରି, ଖକୁରିଆ, ନିରାକାରପୁର ଦେଇ ବ୍ରହ୍ମପୁର ଯାଉଥିଲା। ବସ୍ଟି ବ୍ରହ୍ମଗିରି-ଖଜୁରିଆ ରାସ୍ତାର ନିଖିରା ଗୋବିନ୍ଦପୁର ଛକରେ ଥିବା ଏକ ବୁଲାଣି ଅତିକ୍ରମ କରୁଥିବା ବେଳେ ହେଲପର ହେମନ୍ତ ଲେଙ୍କା ଭାରସାମ୍ୟ ହରାଇ ଖସିପଡ଼ିଥିଲେ। ସେ ରାସ୍ତାରେ ପଡ଼ିଯିବା କ୍ଷଣି ତାଙ୍କ ମୁଣ୍ଡ ଉପରେ ବସ୍ର ଚକା ଚଢ଼ି ଯାଇଥିଲା।
ଏହି ଦୁର୍ଘଟଣା ପରେ ଘଟଣାସ୍ଥଳରେ କିଛି ସମୟ ପାଇଁ ଚାପା ଉତ୍ତେଜନା ଦେଖା ଦେଇଥିଲା। ବ୍ରହ୍ମଗିରି ପୁଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା। ତା’ ସହିତ ବସ୍ଟିକୁ ଥାନାରେ ଅଟକ ରଖିଛି। ବ୍ରହ୍ମଗିରି ପୁଲିସ ଘଟଣାର ତଦନ୍ତ କରୁଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
