ସେଲ୍ଫି ନେଉ ନେଉ ଗଳିପଡିଲେ ମଉସା

ସମ୍ବଲପୁରରେ ଆଜି ସକାଳୁ ସକାଳୁ ଏକ ଏମିତି ଘଟଣା ଘଟିଯାଇଛି ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହେବେ । କେହି ଜଣେ ମର୍ଣ୍ଣିଙ୍ଗ ୱାକରେ ଆସି ପୋଲତଳକୁ ଡେଇଁପଡ଼ିଥିବାର ଖବର ବିଜୁଳି ବେଗରେ ବ୍ୟାପିଯାଇଥିଲା । ଆଉ ଚାଁହୁ ଚାଁହୁ ଭିଡ଼ ବି ବଢିଯାଇଥିଲା । ହେଲେ ଶେଷରେ ପାଣିରୁ ସୁରକ୍ଷିତ ଭାବେ ଉଦ୍ଧାର ହୋଇଥିଲେ ଜଣେ ବୃଦ୍ଧ । ଆଉ କହିଲେ ସେଲ୍ଫି ନେବାବେଳେ ପୋଲ ତଳକୁ ଖସିପଡ଼ିଥିଲେ । ଉଦ୍ଧାର ପାଇଥିବା ବୃଦ୍ଧଜଣକ ହେଲେ ୬୯ ବର୍ଷୀୟ ସୁରେନ୍ଦ୍ର ମୋହନ ମିଶ୍ର ।