ମାମୁ ଘର ବୁଲିବା ପାଇଁ ଆସିଥିଲେ ଭାଣିଜୀ। ମଜାମଜ୍ଲିସ୍ ଭିତରେ ଆଜି ସକାଳେ ଗାଧୋଇବାକୁ ଯାଇଥିବା ବେଳେ ତୁଠରେ ଦନ୍ତା ହାତୀ ଦେଖି ଦୌଡ଼ିଲେ କୁନିଝିଅ। ତା’ପରେ ....। ଏପରି ଘଟଣା କେନ୍ଦୁଝର ଜିଲ୍ଲା ତେଲକୋଇ ବନାଞ୍ଚଳ ଅଞ୍ଚଳରେ ଘଟିଛି।
Also Read
ଦେବଗଡ଼ ଜିଲ୍ଲାର ନାବାଳିକା ବର୍ଷା ବେହେରା ମାମୁ ଘର ଖୁଣ୍ଟାପଡ଼ା ଗାଁକୁ ଆସିଥିଲେ। ଆଜି ସକାଳେ ପ୍ରାୟ ୮ରୁ ସାଢ଼େ ୮ଟା ବେଳେ ସେ ଗାଁ ପାଖ ନାଳକୁ ଗାଧୋଇବା ପାଇଁ ଯାଉଥିଲେ। ଠିକ୍ ସେହି ସମୟରେ ନାଳର ଗାଧୁଆ ତୁଠରେ ଗୋଟିଏ ଦନ୍ତା ହାତୀ ପାଣି ପିଇବା ପାଇଁ ଛିଡ଼ା ହୋଇଥିବା ଦେଖିବାକୁ ପାଇଥିଲେ ବର୍ଷା।
ଦନ୍ତା ହାତୀକୁ ଦେଖି ଜୀବନ ବିକଳରେ ଦୌଡ଼ିବା ଆରମ୍ଭ କରିଥିଲେ। ଦୌଡ଼ିବା ବେଳେ ସେ ଆବୁଡ଼ା ଖାବୁଡା ରାସ୍ତାରେ ପଡ଼ିଯାଇଥିଲେ। ଯାହା ଫଳରେ ଗୁରୁତର ଆହତ ହୋଇଥିଲେ। ତାଙ୍କ ଗୁରୁତର ଅବସ୍ଥାରେ ଉଦ୍ଧାର କରାଯାଇ ତେଲକୋଇ ମେଡ଼ିକାଲରେ ଭର୍ତ୍ତି କରାଯାଇଥିଲା। ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ଅବସ୍ଥା ଉଦ୍ଜନକ ରହିଛି।
ରିପୋର୍ଟ- ତେଲକୋଇରୁ ଚିନ୍ମୟ କୁମାର ସାହୁ
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
