୧୫ ଦିନ ତଳେ ଟ୍ରାଙ୍କୁଲାଇଜ ହୋଇଥିଲା ଦନ୍ତା। ଦେହରେ ରେଡିଓ କଲାର ଲଗାଯାଇ ଜଙ୍ଗଲରେ ଛଡ଼ା ଯାଇଥିଲା। ଅଞ୍ଚଳବାସୀଙ୍କୁ କୁହାଯାଇଥିଲା, ଆଉ ଧନଜୀବନ କ୍ଷତି ହେବନି। କାରଣ ଦନ୍ତା ଉପରେ କଡ଼ା ନଜର ରଖିବ ବନ ବିଭାଗ ।
ମାତ୍ର ସବୁ ଓଲଟପାଲଟ ହୋଇଗଲା। ପୁଣି ଥରେ ଉତ୍ପାତ ମଚାଇଲା ଦନ୍ତା ଓ ଜଣେ ବୟସ୍କ ବ୍ୟକ୍ତିଙ୍କୁ ଟେକି କଚାଡ଼ି ଦେଲା। ଏପରି ଏକ ଘଟଣା ସୁନ୍ଦରଗଡ଼ ଜିଲ୍ଲା କୋଇଡା ରେଞ୍ଜ ପାଟମୁଣ୍ଡା ଗ୍ରାମରେ ଘଟିଛି। ମୃତକ ହେଲେ ପଚାଶ ବର୍ଷୀୟ ସମା ମୁଣ୍ଡା ।
ଦନ୍ତା ହାତୀଟି ଗତକାଲି ବିଳମ୍ବିତ ରାତ୍ରୀରେ ସମାଙ୍କ ଘର ନିକଟକୁ ଆସିଥିଲା। ପରିବାର ଲୋକ ଜୀବନ ବିକଳେ ଘର ଛାଡି ଦୌଡ଼ି ଯାଉଥିବା ବେଳେ ସମା ଦନ୍ତା ସାମ୍ନାରେ ପଡ଼ି ଯାଇଥିଲେ । ତାଙ୍କୁ ଦନ୍ତା ଶୁଣ୍ଡରେ ଟାଣି ନେଇ ଘର ବାହାରେ ପାଦରେ ଦଳି ଦେବାରୁ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି।
Also Read
ଏହି ଘଟଣା ପରେ ଗ୍ରାମରେ ତୀବ୍ର ଉତ୍ତେଜନା ପ୍ରକାଶ ପାଇଛି। କ୍ଷତିପୂରଣ ଦାବି କରିଛନ୍ତି ପରିବାର ଲୋକେ । ବନ ବିଭାଗ କର୍ମଚାରୀ ପହଞ୍ଚି କ୍ଷତିପୂରଣର ପ୍ରତିଶ୍ରୁତି ଦେଇ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛନ୍ତି।
ତେବେ ହାତୀ ଶରୀରରେ ରେଡିଓ କଲାର ଲଗାଇ ବନ ବିଭାଗ ନିଶ୍ଚିତ ବସୁଥିବା ବେଳେ ଏହାଦ୍ୱାରା ଗ୍ରାମବାସୀ କେତେ ସୁରକ୍ଷିତ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
