OR 
ନିଖୋଜ ହେବାର ୨୪ ଘଣ୍ଟା ପରେ କେନାଲରେ ଭାସୁଥିଲା ଜୁନିୟର ଇଞ୍ଜିନିୟରଙ୍କ ମୃତଦେହ। ଆଜି ଏପରି ଚିତ୍ର କଳାହାଣ୍ଡି ଜିଲ୍ଲା ଜୟପାଟଣା ଥାନାରେ ଦେଖିବାକୁ ମିଳିଛି। ହେଲେ ତାଙ୍କର ମୃତ୍ୟୁ କେମିତି ହେଲା, ତାହା ବର୍ତ୍ତମାନ ସୁଦ୍ଧା ଜଣାପଡ଼ି ନାହିଁ।
ମୟୂରଭଞ୍ଜ ଜିଲ୍ଲାର ଭବାନୀ ଶଙ୍କର ମହନ୍ତ ଇନ୍ଦ୍ରାବତୀ ମେଗା ଉଠା ଜଳସେଚନରେ ଜୁନିୟର ଇଞ୍ଜିନିୟର ଭାବେ କାର୍ଯ୍ୟରତ ଥିଲେ। ଗୁରୁବାର ସକାଳେ ସେ ଅଫିସ୍ ଯାଇଥିଲେ। ତା’ପରେ ଅଫିସ୍ କାମରେ ବାହରକୁ ଯାଇଥିଲେ। ତେବେ ଦିନ ୧୨ଟାରେ ଅଫିସ କର୍ମଚାରୀମାନେ ତାଙ୍କୁ ଫୋନ କରିଥିଲେ। ମାତ୍ର ତାଙ୍କ ଫୋନ୍ ବନ୍ଦ ରହିଥିଲା। ମନରେ ସନ୍ଦେହ ହେବାରୁ ଉଠା ଜଳସେଚନ ବିଭାଗ ତରଫରୁ ଜୟପାଟଣା ଥାନାରେ ଏନେଇ ଅଭିଯୋଗ ହୋଇଥିଲା। ଅଭିଯୋଗକୁ ଭିତ୍ତିକରି ପୁଲିସ୍ ଏକ ନିଖୋଜ ମାମଲା ରୁଜୁ କରିଥିଲା।
Also Read
ଆଜି ସକାଳେ କେନାଲ ହିଡରେ ଇଞ୍ଜିନିୟରଙ୍କ ବାଇକ୍ ମିଳିଥିଲା। ଏ ସମ୍ପର୍କରେ ଖବର ପାଇ ପୁଲିସ୍ କେନାଲରେ ଖୋଜାଖୋଜି କରିଥିଲା। ପରେ କେନାଲରୁ ତାଙ୍କ ମୃତଦେହ ମିଳିଥିଲା। ଏନେଇ ପରିବାର ଲୋକଙ୍କୁ ସୂଚନା ଦିଆଯାଇଛି। ପରିବାର ଲୋକ ମୃତଦେହ ଚିହ୍ନଟ କରିବା ପରେ ହସ୍ତାନ୍ତର କରାଯିବ। ତେବେ ଏହା ହତ୍ୟାକାଣ୍ଡ ନା ଆତ୍ମହତ୍ୟା, ତାହା ଜଣାପଡ଼ି ନାହିଁ। ସେପଟେ ଭବାନୀ ଶଙ୍କର ମହନ୍ତଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି।
ରିପୋର୍ଟ- ଧର୍ମଗଡ଼ରୁ ଇଙ୍ଗିତ ପଣ୍ଡା
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
