କୋରାପୁଟ ଜିଲ୍ଲା ନାରାୟଣପାଟଣା ଥାନା ଇଚ୍ଛାପୁର ନିକଟରେ ଘଟିଛି ଅଘଟଣ। ଜଳି ଯାଇଛି ଏକ ହାଇୱା। ତେବେ ଏଥିରେ ଥିବା ଡ୍ରାଇଭର ଓ ହେଲପର ସୁରକ୍ଷିତ ଅଛନ୍ତି।
ହାଇୱାଟିରେ ଚଳନ୍ତା ଅବସ୍ଥାରେ ନିଆଁ ଲାଗିଯାଇଥିଲା। ଡ୍ରାଇଭର ଓ ହେଲପର ନିଆଁ ଲାଗିଥିବା ଜାଣିବା ପରେ ହାଇୱାଟିକୁ ରାସ୍ତାକଡ଼ରେ ଛିଡ଼ା କରି ଓହ୍ଲାଇ ଯାଇଥିଲେ। ଦେଖୁ ଦେଖୁ ପୂରା ଗାଡ଼ିଟିକୁ ନିଜ ଆଁ ମଧ୍ୟକୁ ନେଇ ଯାଇଥିଲା ନିଆଁ। ହୁତୁହୁତୁ ହୋଇ ନିଆଁ ଜଳିଥିଲା ଓ କଳାଧୂଆଁ ବାହାରିଥିଲା।
Also Read
ନିଆଁର ତୀବ୍ରତା ଦେଖି ସେହି ରାସ୍ତା ଦେଇ ଯା’ଆସ କରୁଥିବା ଲୋକେ ଡରି ଯାଇଥିଲେ। ସେମାନେ ଜଳନ୍ତା ହାଇୱାକୁ ଅତିକ୍ରମ କରି ଯିବାକୁ ସାହାସ କରି ନଥିଲେ।
ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲେ। ସେମାନେ ନିଆଁ ଲିଭାଇ ଥିଲେ। ସେତେବେଳକୁ ଗାଡ଼ିଟିର ବ୍ୟାପକ କ୍ଷତି ଘଟି ସାରିଥିଲା। ତେବେ କେଉଁ କାରଣରୁ ହାଇୱାଟିରେ ନିଆଁ ଲାଗିଲା, ତାହା ଅସ୍ପଷ୍ଟ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
