OR 
ଚାହୁଁ ଚାହୁଁ ଆଖି ଆଗରେ ଭୁଶୁଡ଼ିଗଲା ଝାଟି ମାଟିର ଘର। ଯାହାକୁ ନିଜ ହାତରେ ଗଢ଼ିଥିଲେ। ଆଉ ଭବିଷ୍ୟତ ପାଇଁ ଦେଖିଥିଲେ ଅନେକ ସ୍ୱପ୍ନ। ନିଜ ସ୍ୱପ୍ନର ତାଜହଲ ମାଟିରେ ମିଶିବା ପରେ ପାଣି ଭିତରେ ଖୋଜୁଛନ୍ତି ନିତ୍ୟ ବ୍ୟବହାର୍ଯ୍ୟ ସାମଗ୍ରୀ। ଏପରି ଚିତ୍ର ଆସିଛି ଭଦ୍ରକ ଜିଲ୍ଲା ବନ୍ତ ବ୍ଲକ ରାମଚନ୍ଦ୍ରପୁର ଗାଁରୁ। ଘର ଭୁଶୁଡିବାର ଦୃଶ୍ୟ ଏବେ ଭାଇରାଲ୍ ହେବାରେ ଲାଗିଛି।
ଶାଳନ୍ଦିର ଶାଖା ନଦୀ ହେଉଛି କପାଳୀ। ଲଗାଣ ବର୍ଷା ଯୋଗୁ ବୁଧବାର କପାଳୀ ନଦୀରେ ପ୍ରବାହିତ ହୋଇଥିଲା ବନ୍ୟା ଜଳ। ମଧ୍ୟାହ୍ନରେ ହଠାତ୍ ବନ୍ୟାଜଳ ବନ୍ତ ବ୍ଲକ୍ ରାମଚନ୍ଦ୍ରପୁର ଗାଁରେ ପଶି ଯାଇଥିଲା। ପାଣି ଦେଖି ଲୋକମାନେ ଘରୁ ବାହାରି ଆସିଥିଲେ। ଗାଁର ସୁବାସ ଯେନା, ତାଙ୍କ ପତ୍ନୀ ଓ ପୁଅ ମଧ୍ୟ ଜୀବନ ବିକଳରେ ଘରୁ ପଳାଇ ଆସିଥିଲେ। ହେଲେ ଘରୁ କୌଣସି ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଆଣି ପାରିନଥିଲେ। ଚାହୁଁ ଚାହୁଁ ଘର ଅଗଣାରେ ପେଟେ ପାଣି ହୋଇଯାଇଥିଲା। ଆଉ ଆଖି ଆଗରେ ମାଟିରେ ମିଶି ଯାଇଥିଲା ଶ୍ରୀ ଯେନାଙ୍କ ଚାଳ ଛପର ଘର।
Also Read
ଦେଖିବାକୁ ଗଲେ ସୁବାସ ପେଶାରେ ଜଣେ ଚାଷୀ। ଚାଷବାସ କରି ପରିବାର ଭରଣ ପୋଷଣ କରନ୍ତି। ଅଭାବ ଅନଟନ ଭିତରେ ରହୁଥିଲେ ମଧ୍ୟ ଝାଟି ମାଟିର ଘରଟିଏ କରିଥିଲେ। ସେଥିରେ ଦୁଃଖ କଷ୍ଟରେ ରହୁଥିଲେ ସୁବାସ ଓ ତାଙ୍କ ପରିବାର। ହେଲେ କପାଳୀର ବନ୍ୟା ପାଣି ସବୁ ସାରିଦେଲା। ଆଖି ଆଗରେ ନିଜ ସ୍ୱପ୍ନର ତାଲମହଲକୁ ଭାଙ୍ଗିଦେଲା। ଏବେ ସମ୍ପୂର୍ଣ୍ଣ ଅସହାୟ ହୋଗଲେ ସୁବାସ। ବନ୍ୟା ଛାଡ଼ିବା ପରେ ରହିବେ କେଉଁଠି? ତାକୁ ନେଇ ଚିନ୍ତାରେ ପଡ଼ି ଯାଇଛନ୍ତି।
ରିପୋର୍ଟ-ଭଦ୍ରକରୁ ପାର୍ଥ ସାରଥୀ ନାୟକ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
