କଟକ ଏସସିବିରେ ବଡ଼ ଅଘଟଣ। ନିର୍ମାଣ କାମ ଚାଲିଥିବା ବେଳେ କ୍ରେନ୍ ଭାଙ୍ଗି ୩ ଜଣ ଶ୍ରମିକ ଗୁରୁତର ଆହତ ହୋଇଛନ୍ତି। ଆହତ ମାନଙ୍କୁ ତୁରନ୍ତ ଏସସିବି କାଜୁଆଲଟିରେ ଭର୍ତ୍ତି କରାଯାଇଥିଲା। କଟକ ବଡ଼ ମେଡିକାଲର ସଂପ୍ରସାରଣ କାର୍ଯ୍ୟ ଚାଲିଥିବା ବେଳେ ଏହି ଅଘଟଣ ଘଟିଛି।
ଏସସିବି ପରିସରରେ ଥିବା ଆଚାର୍ଯ୍ୟ ହରିହର କ୍ୟାନସର ହସ୍ପିଟାଲ ନିକଟରେ ଏକ ୧୦ ମହଲା ବିଶିଷ୍ଟ କୋଠାର ନିର୍ମାଣ କାମ ଚାଲିଥିଲା। ଏହି ସମୟରେ କ୍ରେନ୍ ଦ୍ୱାରା ଉପରକୁ ଭାରି ଜିନିଷ ଉଠାଯାଉଥିବା ବେଳେ ହଠାତ କ୍ରେନଟି ମଝିରୁ ଭାଙ୍ଗି ଯାଇଥିଲା। ଫଲରେ ତଳେ ଥିବା ୩ ଜଣ ଶ୍ରମିକଙ୍କ ଉପରେ ପଡ଼ିବାରୁ ସେମାନେ ଗୁରୁତର ଆହତ ହୋଇଥିଲେ।