OR 
ଯାଜପୁରରେ ବୈତରଣୀ ନଦୀର ବଲ୍ଲଭୀ ଘାଟରେ ବୁଡ଼ି ଜଣେ କାଉଡ଼ିଆଙ୍କ ମୃତ୍ୟୁ ଘଟିଛି। ତାଙ୍କ ନାଁ ପ୍ରଶାନ୍ତ ସାମଲ। ତାଙ୍କ ଘର ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଅନ୍ତର୍ଗତ ପୁରୁଷୋତ୍ତମପୁର ଗାଁରେ।
ଆସନ୍ତାକାଲି ଶ୍ରାବଣ ମାସ ଦ୍ୱିତୀୟ ସୋମବାରରେ ଆରଡ଼ିରେ ଜଳଲାଗି କରିବା ପାଇଁ ପାଣି ଉଠାଇବାକୁ ସେ ବୈତରଣୀ ନଦୀର ବଲ୍ଲଭୀ ଘାଟକୁ ଆସିଥିଲେ। ଏଠାରୁ ସେ ଜଳ ଧରି ଆରଡ଼ି ଅଭିମୁଖେ ଯାତ୍ରା କରିଥା’ନ୍ତେ। ତାଙ୍କ ସହିତ ତାଙ୍କର ଜଣେ ସମ୍ପର୍କୀୟ ଭାଇ ସହିତ ଆହୁରି ତିନି/ଚାରି ଜଣ କାଉଡ଼ିଆ ଥିଲେ।
Also Read
ପ୍ରଶାନ୍ତ ବଲ୍ଲଭୀ ଘାଟରେ ଗାଧୋଉଥିବା ବେଳେ ବୁଡ଼ି ଯାଇଥିଲେ। ତାଙ୍କର ଜଣେ ସଂପର୍କୀୟ ଭାଇ ତାଙ୍କୁ ବଞ୍ଚାଇବାକୁ ପ୍ରୟାସ କରିଥିଲେ। ହେଲେ ବିଫଳ ହୋଇଥିଲେ। ଅଗ୍ନିଶମ ବାହିନୀ ତାଙ୍କୁ ଉଦ୍ଧାର କରି ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
