ଦିଲ୍ଲୀର ଗ୍ରେଟର ନୋଏଡ଼ାରେ ମର୍ମନ୍ତୁଦ ସଡ଼କଦୁର୍ଘଟଣା। ବାଇକକୁ କାର୍ ଧକ୍କା ଦେବା ଫଳରେ ଗୋଟିଏ ପରିବାରର ତିନି ଜଣଙ୍କର ମୃତ୍ୟୁ ଘଟିଛି। ମୃତକମାନେ ସମ୍ପର୍କରେ ଭାଇ-ଭଉଣୀ ହେବେ। ବିବାହ ଭୋଜିରେ ଯୋଗଦେଇ ଫେରିବା ସମୟରେ ଏହି ଅଘଟଣ ଘଟିଛି।
ସୂଚନା ଅନୁସାରେ, ଗତକାଲି ରାତିରେ ଦୁଇ ଭଉଣୀ ଓ ସେମାନଙ୍କର ଜଣେ ସାଙ୍ଗକୁ ନେଇ ସୁରେନ୍ଦ୍ର ଏକ ବିବାହ ଭୋଜିରେ ଯୋଗଦେବାକୁ ଯାଇଥିଲେ। ସେଠାରୁ ଫେରିବା ସମୟରେ ପରୀ ଚୌକ ନିକଟରେ ଏକ କାର୍ ସେମାନଙ୍କ ବାଇକକୁ ଧକ୍କା ଦେଇ କିଛି ବାଟ ଘୋଷାଡ଼ି ନେଇଥିଲା।
Also Read
ସ୍ଥାନୀୟ ଲୋକ ତୁରନ୍ତ ସେମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ। ହେଲେ ଡାକ୍ତରଖାନାରେ ସୁରନ୍ଦ୍ର ଓ ତାଙ୍କର ଦୁଇ ଭଉଣୀଙ୍କ ମୃତ୍ୟୁ ଘଟିଛି। ବାଇରକରେ ଥିବା ଅନ୍ୟ ଜଣେ ଯୁବତୀଙ୍କ ଅବସ୍ଥା ମଧ୍ୟ ଗୁରୁତର ରହିଛି, ତାଙ୍କର ଚିକିତ୍ସା ଚାଲିଛି।
ପୁଲିସର କହିବା ଅନୁସାରେ, କାରଟି ଦ୍ରୁତ ଗତିରେ ଆସୁଥିବାରୁ ବାଇକକୁ ଧକ୍କା ଦେଇଥିଲା। ଏପର୍ଯ୍ୟନ୍ତ ବାଇକକୁ ଠାବ କରାଯାଇ ପାରିନାହିଁ। ସିସିଟିଭି ଫୁଟେଜ ଆଧାରରେ ତଦନ୍ତ ଚାଲିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
