ଉତ୍ତରାଖଣ୍ଡର ଗୌରିକୁଣ୍ଡରେ ଦେଖିବାକୁ ମିଳିଛି ପ୍ରକୃତିର ଭୀଷଣ ତାଣ୍ଡବ । କେଦାରନାଥରେ ଏବେ ପ୍ରବଳ ବର୍ଷା ଲାଗି ରହିଥିବା ବେଳେ ଏକ ପାହାଡ଼ରୁ ଖସିଥିବା ଆବର୍ଜନା ସ୍ରୋତରେ ୨ଟି ଦୋକାନ ଭାସି ଯାଇଛି।ଏଥିସହ ପ୍ରାୟ ୧୩ ଜଣଙ୍କ ପତ୍ତା ମିଳୁନି। ନିଖୋଜଙ୍କ ମଧ୍ୟରେ ବହୁ ଶ୍ରଦ୍ଧାଳୁ ଓ କିଛି ସ୍ଥାନୀୟ ଲୋକ ଥିବା ସୂଚନା ମିଳିଛି। ସେମାନଙ୍କ ମଧ୍ୟରେ ବହୁ ମହିଳା ଓ ଶିଶୁ ବି ଅଛନ୍ତି।
ଏବେ ବାବା କେଦାରନାଥଙ୍କ ଯାତ୍ରା ଚାଲିଥିବା ବେଳେ ଦେଶର ବିଭିନ୍ନ ପ୍ରାନ୍ତରୁ ଶ୍ରଦ୍ଧାଳୁ ବାବାଙ୍କ ଦର୍ଶନ ପାଇଁ ଯାଉଛନ୍ତି। ଏହି ସମୟରେ କେଦାରନାଥରେ ଲଗାଣ ବର୍ଷା ଲାଗି ରହିଛି। ଗତ ରାତିରେ ପ୍ରବଳ ବର୍ଷା ଯୋଗୁ କେଦାରନାଥ ଯିବା ବାଟରେ ପଡ଼ୁଥିବେ ଗୌରିକୁଣ୍ଡରେ ଏକ ପାହାଡ଼ର ଆବର୍ଜନା ବର୍ଷା ପାଣି ସ୍ରୋତରେ ଭାସି ଆସିଥିଲା। ଏହାର ପ୍ରଖର ସ୍ରୋତରେ ୨ଟି ଦୋକାନ ଭାସି ଯାଇଥିବା ବେଳେ ୧୩ ଜଣଙ୍କ ପତ୍ତା ମିଳୁନି। ଏଥିସହ ଆବର୍ଜନା ତଳେ ବି ବହୁ ଜଣ ଦବିଥିବା ସୂଚନା ମିଳିଛି। ନିଖୋଜଙ୍କ ମଧ୍ୟରେ ୪ ଶିଶୁ ଓ ୪ ମହିଳା ଥିବା ଜଣାଯାଇଛି।
ଖବର ପାଇ ତୁରନ୍ତ ରେସକ୍ୟୁ ଅପରେସନ ଆରମ୍ଭ ହୋଇଥିଲେ ବି ଭୀଷଣ ବର୍ଷା ହେତୁ ଉଦ୍ଧାର କାର୍ଯ୍ୟ ସମ୍ଭବ ହୋଇ ପାରୁନି। ପାଣିପାଗ ବିଭାଗ ପକ୍ଷରୁ ଜାରି ସୂଚନା ଅନୁଯାୟୀ, ଆଜି ବି ଉତ୍ତରାଖଣ୍ଡରେ ପ୍ରବଳ ବର୍ଷା ହେବ । ଆସନ୍ତାକାଲି ସାମାନ୍ୟ ବର୍ଷା ହେବାକୁ ସୂଚନା ଥିବା ବେଳେ ୬ ତାରିଖରୁ ପୁଣି ଥରେ ବର୍ଷାର ପରିମାଣ ବଢ଼ିବ ।
Also Read
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
