କାର୍ ଧକ୍କାରେ ଚାଲିଗଲା ମାଆ-ଝିଅଙ୍କ ଜୀବନ। ପାଟଣାଗଡ଼-ବଲାଙ୍ଗୀର ରାସ୍ତାର ଉଲବା ଛକ ନିକଟରେ ଆଜି ଘଟିଛି ଏହି ଦୁର୍ଘଟଣା। ମୃତକମାନେ ହେଉଛନ୍ତି ପାଟଣାଗଡ଼ ଥାନା ଉଲଵା ଗାଁର ସରୋଜିନୀ ଧରୁଆ ଓ ତାଙ୍କ ଝିଅ ରୀତି ଧରୁଆ। ମଜୁରୀ କାମ କରି ଘରକୁ ଫେରୁଥିବା ବେଳେ ବଲାଙ୍ଗୀର ପଟୁ ଆସୁଥିବା ଏକ କାର ଧକ୍କା ଦେଇଥିଲା। ଘଟଣାସ୍ଥଳରେ ମା’ ଓ ଝିଅଙ୍କ ମୃତ୍ୟୁ ଘଟିଛି।
Also Read
ଦୁର୍ଘଟଣା ଘଟିବା ପରେ କାର୍ ଡ୍ରାଇଭର ଫେରାର ହୋଇଯାଇଥିଲେ। ସେ ଗାଡ଼ି ଛାଡ଼ି ଫେରାର ହୋଇଯାଇଥିଲେ। ଅନ୍ୟପକ୍ଷରେ କ୍ଷତିପୂରଣ ଦାବିରେ ଉତ୍ତ୍ୟକ୍ତ ଲୋକ ବଲାଙ୍ଗୀର-ପାଟଣାଗଡ଼ ରାସ୍ତାକୁ ଅବରୋଧ କରି ରଖିଛନ୍ତି। ଖବର ଲେଖାଯିବା ସୁଦ୍ଧା ରାସ୍ତାରୋକ ହଟି ନଥିବା ବେଳେ ପାଟଣାଗଡ଼ ପୁଲିସ ଲୋକଙ୍କୁ ବୁଝାସୁଝା କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।