oR 
ନିଜ ରାଜ୍ୟରେ କାମ ମିଳିଲାନି। ସେଥିପାଇଁ ଦାଦନ ଖଟିବାକୁ ମାୟା ନଗରୀକୁ ଯାଇଥିଲା ଘରର ଭେଣ୍ଡିଆ ପୁଅ। ହେଲେ ମୁମ୍ବାଇର ଏକ କମ୍ପାନୀରେ କାମ କରିବା ବେଳେ ବିଦ୍ୟୁତ୍ ତାର ସଂସ୍ପର୍ଶରେ ଆସି ଚାଲିଗଲା ଯୁବକଙ୍କ ଜୀବନ। ଏପରି ଦୁଃଖଦ ଘଟଣା ଘଟିଛି ମୁମ୍ବାଇରେ । ମୃତ ଯୁବକ ଜଣଙ୍କ ହେଲେ ସୁରେଶ ରଣା।
ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ଶଙ୍କରା ଗାଁର ସୁରେଶ ୧୫ ବର୍ଷ ହେବ ମୁମ୍ବାଇରେ ଏକ କମ୍ପାନୀରେ ଦାଦନ ଶ୍ରମିକ ଭାବେ କାମ କରି ଦୁଇ ପଇସା ରୋଜଗାର କରୁଥିଲେ। ହେଲେ ସୁରେଶ କାମ କରୁଥିବା ସମୟରେ ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲେ। କମ୍ପାନୀର ଅନ୍ୟ କର୍ମଚାରୀମାନେ ତାଙ୍କୁ ତୁରନ୍ତ ନିକଟ ଡାକ୍ତରଖାନାକୁ ନେଇଯାଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପରିବାର ଲୋକେ ଘଟଣା ବିଷୟରେ ପରିବାର ଲୋକଙ୍କୁ ଜଣାଇଥିଲେ।
Also Read
ପୁଅର ମୃତଦେହ ଆଣିବାକୁ ପରିବାର ଲୋକଙ୍କ ନିକଟରେ ଆର୍ଥିକ ସମ୍ବଳ ନଥିଲା। ଗତକାଲି ରାତିରେ କମ୍ପାନୀ କର୍ମଚାରୀଙ୍କ ସହଯୋଗରେ ସୁରେଶଙ୍କ ମୃତଦେହ ଭୁବନେଶ୍ୱର ଅଣାଯାଇଥିଲା। ପରେ ସେଠାରୁ ଏକ ଆମ୍ବୁଲାନ୍ସ ଯୋଗେ ସୁରେଶଙ୍କ ମୃତଦେହ ନିଜ ଗାଁରେ ପହଞ୍ଚିଥିଲା। ପରେ ନିଜ ଗାଁରେ ତାଙ୍କର ଶେଷକୃତ୍ୟ ସଂପନ୍ନ କରାଯାଇଥିଲା। ସୁରେଶଙ୍କ ମୃତ୍ୟୁ ପରେ ପରିବାରରେ ଶୋକା ଛାୟା ଖେଳିଯାଇଛି। ସୁରେଶଙ୍କର ବାପା ନଥିବା ବେଳେ ତାଙ୍କର ୪ ଭାଇ ଅଛନ୍ତି। ସୁରେଶ ଘରର ବଡ଼ ପୁଅ ଥିଲେ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
