ଗାଁ ଦାଣ୍ଡରେ ଛିଡ଼ା ହୋଇଥିବା ବୃଦ୍ଧାଙ୍କୁ ଶିଙ୍ଗ ଭୁଶିଦେଲା ବଳଦ । ଫଳରେ ଘଟଣାସ୍ଥଳରେ ବୃଦ୍ଧାଙ୍କ ମୃତ୍ୟୁ ଘଟିଛି। ଏପରି ଏକ ଅଭାବନୀୟ ଘଟଣା ଆଜି ସମ୍ବଲପୁର ଜିଲ୍ଲାର ନାକଟିଦେଉଳି ବ୍ଲକ ଲାଇଜା ଗାଁରେ ଘଟିଛି। ମୃତା ବୃଦ୍ଧାଜଣକ ହେଲେ ୬୦ ବର୍ଷୀୟା ଜମ୍ବୂବତୀ ବେହେରା ।
ଜମ୍ବୂବତୀ ଆଜି ଗାଁ ଦାଣ୍ଡରେ ଛିଡ଼ା ହୋଇଥିଲେ। ଉକ୍ତ ସମୟରେ ଗାଁ ଦାଣ୍ଡରେ ଯାଉଥିବା ଗାଇ, ବଳଦ ପଲ ମଧ୍ୟରୁ ଏକ ବଳଦ ତାଙ୍କୁ ଶିଙ୍ଗ ଭୁଷି ଦେଇଥିଲା। ଫଳରେ ରକ୍ତାକ୍ତ ହୋଇ ସେ ତଳେ ପଡ଼ି ଛଟପଟ ହୋଇଥିଲେ।
Also Read
ପରିବାର ଲୋକେ ତୁରନ୍ତ ଜମ୍ବୂବତୀଙ୍କୁ ଉଦ୍ଧାର କରି ରେଢାଖୋଲ ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଜମ୍ବୁବତୀଙ୍କ ଏପରି ମୃତ୍ୟୁକୁ ପରିବାର ଲୋକେ ସହଜେ ଗ୍ରହଣ କରିପାରୁ ନାହାନ୍ତି।
ଏନେଇ ରେଢାଖୋଲ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ଶବ ବ୍ୟବଚ୍ଛେଦ ହେବା ପରେ ଆଜି ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଜଣାଯାଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
