ବିଲରେ କାମ କରୁଥିଲେ, ବଜ୍ରାଘାତ ନେଲା ଜୀବନ

ବଜ୍ରାଘାତ ରେ ଜଣେ ମୃତ ଜଣେ ଆହତ। ଯାଜପୁର ଜିଲ୍ଲା ବଡ଼ଚଣା ବୈରୀ ଥାନା ସୋଲର ଗାଁ ଏଭଳି ଘଟଣା ଘଟିଛି। ମୃତକଙ୍କ ନାଁ ହେଉଛି ଉତ୍କଳ ଓଝା।

ଆଜି ଦୁଇ ଭାଇ ଉତ୍କଳ ଓଝା ଓ ବିକ୍ରମ ଓଝା ବିଲରେ କାମ କରୁଥିଲେ। ସେଇ ସମୟରେ ବଜ୍ରାଘାତ ହୋଇଥିଲା। ବଜ୍ରାଘାତରେ ଦୁଇ ଭାଇ ଗୁରୁତର ହୋଇ ଘଟଣାସ୍ଥଳରେ ପଡ଼ିଥିଲେ। ଗାଁ ଲୋକେ ଉଭୟଙ୍କୁ ଦେଖି ବଡ଼ଚଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଉତ୍କଳଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ବିକ୍ରମଙ୍କୁ ଗୁରୁତର ଭାବେ ପ୍ରାଥମିକ ଚିକିତ୍ସା ପରେ କଟକ ମେଡିକାଲକୁ ସ୍ଥାନାନ୍ତର କରାଯାଇଛି।