ବାଇକ ଦୁର୍ଘଟଣାରେ ଜଣେ ମୃତ ଅନ୍ୟଜଣେ ଗୁରୁତର ହୋଇଛନ୍ତି। ଏଭଳି ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି କେନ୍ଦୁଝର ଜିଲ୍ଲା ଆନନ୍ଦପୁର ଓ କରଞ୍ଜିଆ ରାସ୍ତାର ସାତକୋଶିଆ ନିକଟରେ। ମୃତକ ଜଣଙ୍କ ହେଉଛନ୍ତି ପଶି ଗାଁର ପାଣ୍ଡୁ ମୁଣ୍ଡା ସରଳା।
Also Read
ପାଣ୍ଡୁ ମୁଣ୍ଡା ଓ ଶୀତଳ ବିନ୍ଧାଣି ଗୋଟିଏ ବାଇକରେ କୌଣସି କାମରେ ବଜାରକୁ ଯାଉଥିଲେ। ରାସ୍ତାରେ ଯିବାବେଳେ ବାଇକଟି ଭାରସାମ୍ୟ ହରାଇ ଗୋଟିଏ ଗଛରେ ପିଟି ହୋଇଥିଲା। ଫଳରେ ପାଣ୍ଡୁ ମୁଣ୍ଡା ଓ ଶୀତଳ ବିନ୍ଧାଣି ଦୁଇ ଜଣ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ରାସ୍ତା କଡ଼ରେ ପଡ଼ିଥିଲେ। ସ୍ଥାନୀୟ ଲୋକ ଦେଖି ଉଭୟଙ୍କୁ ଆମ୍ବୁଲାନ୍ସରେ ଆନନ୍ଦପୁର ମେଡ଼ିକାଲକୁ ନେଇଥିଲେ। ସେଠାରେ ପାଣ୍ଡୁ ମୁଣ୍ଡା ସରଳାଙ୍କର ମୃତ୍ୟୁ ହୋଇଥିବା ବେଳେ ଶୀତଳ ବିନ୍ଧାଣିଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିଲା।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
