କୁହୁଡି ହେଲା କାଳ। ପୋଲ ତଳକୁ ବାଇକ୍ ସହ ଖସି ପଡ଼ିଲେ ଦୁଇ ବାଇକ୍ ଆରୋହୀ। ଘଟଣାସ୍ଥଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। କୋରାପୁଟ ଜିଲା ପାଡୁଆ ଥାନା ଅନ୍ତର୍ଗତ ପୂଜାରିପୁଟ ଗାଁ ନିକଟରେ ଏହି ଦୁର୍ଘଟଣା ଘଟିଛି। ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ମୃତହତଙ୍କ ଘର ଅଣ୍ଡୁରୁଗୁଡା ଗାଁରେ।
ଆଜି ସକାଳେ ଦୁଇ ଜଣ ଯୁବକ ବାଇକ୍ ଯୋଗେ ଆନ୍ଧ୍ର ସୀମାନ୍ତ ଅଣ୍ଡୁରୁଗୁଡା ଗାଁରୁ ବାହାରି ପାଦୁଆ ଅଭିମୁଖେ ଯାଉଥିଲେ। କୁହୁଡି ହୋଇ ଥିବାରୁ ବାଇକ୍ଟି ଭାରସାମ୍ୟ ହରାଇ ପୂଜାରିପୁଟ ନିକଟ ଏକ ପୋଲରେ ପିଟି ହୋଇ ତଳକୁ ଖସି ପଡ଼ିଥିଲା। ଦୁଇ ବାଇକ୍ ଆରୋହୀ ମଧ୍ୟ ପୋଲ ତଳକୁ ଖସି ପଡ଼ିଥିଲେ। ଘଟଣାସ୍ଥଳରେ ଜଣେ ଯୁବକଙ୍କର ମୃତ୍ୟୁ ଘଟିଥିବା ବେଳେ ଜଣେ ଯୁବକ ଆହତ ହୋଇଛନ୍ତି।
ପାଡୁଆ ପୁଲିସ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଗାଡ଼ି ଜବତ କରି ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।