ଚା' ଦୋକାନକୁ ମାଡ଼ିଗଲା ଟ୍ରାକ୍ଟର

ଭାରସାମ୍ୟ ହରାଇ ଚା’ ଦୋକାନ ଭିତରକୁ ମାଡ଼ିଗଲା ଟ୍ରାକ୍ଟର। ଅଳ୍ପକେ ବର୍ତ୍ତିଗଲେ ଦୋକାନୀ ଓ ଗ୍ରାହକ। କଟକ ସେଲଟର ଛକରେ ଏହି ଦୁର୍ଘଟଣା ଘଟିଛି।

ଆଜି ସକାଳେ ଏକ ଟ୍ରାକ୍ଟର ଦ୍ରୁତ ଗତିରେ ଆସି ଚା’ ଦୋକାନ ଭିତରକୁ ପଶି ଯାଇଥିଲା। ଏହି ସମୟରେ ଦୋକାନୀ ବାହାରେ ଥିଲେ। ଫଳରେ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଥିଲେ ଦୋକାନୀ। ହେଲେ ଚା’ ଦୋକାନ ଦୁର୍ଘଟଣାରେ ସମ୍ପୂର୍ଣ୍ଣ ଭାଙ୍ଗି ଯାଇଛି।

ସ୍ଥାନୀୟ ଲୋକେ ଡ୍ରାଇଭରକୁ ଅଟକ ରଖି ପୁଲିସ ଜିମାରେ ଦେଇଛନ୍ତି। ପୁଲିସ ଗାଡ଼ି ସହ ଟ୍ରାକ୍ଟରକୁ ଜବତ କରି ଘଟଣାର ତଦନ୍ତ କରୁଛି।