ସମ୍ବଲପୁରରେ କାର୍ଯ୍ୟରତ ଜଣେ ପୁଲିସ୍ ଏଏସ୍ଆଇଙ୍କର ଆଜି ମୃତ୍ୟୁ ଘଟିଛି। ତାଙ୍କ ନାଁ ପଞ୍ଚୁ ବାଗ। ସେ ସମ୍ବଲପୁର ସହରର ବରେଇପାଲି ଥାନାରେ କାର୍ଯ୍ୟରତ ଥିଲେ।
ଏଏସ୍ଆଇ ପଞ୍ଚୁ ବାଗ ଆଜି ଡ୍ୟୁଟିରେ ଥିବା ବେଳେ ହଠାତ୍ ଅସୁସ୍ଥ ହୋଇ ପଡ଼ିଥିଲେ। ତାଙ୍କୁ ତୁରନ୍ତ ହସପିଟାଲ ନିଆଯାଇଥିଲା। ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।
ହୃଦଘାତ ଯୋଗୁଁ ପଞ୍ଚୁ ବାଗଙ୍କର ମୃତ୍ୟୁ ହୋଇଥିବା ନେଇ ସୂଚନା ମିଳିଛି। ଖବର ପାଇ ତାଙ୍କ ପରିବାର ଲୋକେ ଓ ବରିଷ୍ଠ ପୁଲିସ ଅଧିକାରୀମାନେ ଡାକ୍ତରଖାନାରେ ପହଞ୍ଚିଥିଲେ।