ସାମାନ୍ୟ ଅସାବଧାନତାରୁ ଘଟିଗଲା ବଡ଼ ଅଘଟଣ । ଷ୍ଟେସନରେ ମହିଳା ଆରପିଏଫ୍ କନଷ୍ଟେବଳଙ୍କୁ ଧକ୍କା ଦେଲା ଟ୍ରେନ୍ । ଏପରି ଏକ ଅଘଟଣ ଆଜି ବାଲେଶ୍ୱର ରେଳ ଷ୍ଟେସନରେ ଘଟିଛି । ଗୁରୁତର ଆରପିଏଫ୍ କନେଷ୍ଟବଳ ହେଲେ ଜି. କବିତା ।
ଜି. କବିତା ଆଜି ଷ୍ଟେସନର ୨ନଂ ପ୍ଲାଟଫର୍ମରୁ ରେଳ ଧାରଣା ଉପର ଦେଇ ୩ନଂ ପ୍ଲାଟଫର୍ମକୁ ଯାଉଥିଲେ । ସେହି ସମୟରେ ଭଦ୍ରକ ପଟୁ ଯାଜପୁର ଲୋକାଲ ଟ୍ରେନ ଆସୁଥିଲା । ଅନ୍ୟମନସ୍କ ଥିବାରୁ କବିତା ଟ୍ରେନ ଆସିବା ବାବଦରେ ଜାଣି ପାରିନଥିଲେ । ଫଳରେ ୩ନଂ ପ୍ଲଟଫର୍ମକୁ ଚଢିବା ପୂର୍ବରୁ ଟ୍ରେନ ତାଙ୍କୁ ଧକ୍କା ଦେଇଥିଲା।
ସଙ୍ଗେ ସଙ୍ଗେ ଉଦ୍ଧାର କରାଯାଇ କବିତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତାଙ୍କ ଗୋଡ଼ରେ ଗୁରୁତର ଆଘାତ ଲାଗିଛି ।