ଗଞ୍ଜାମ ଜିଲ୍ଲା ବୁଗୁଡ଼ା ଥାନା କଞ୍ଜିଆପଲ୍ଲୀ ଗାଁରେ ସାପ କାମୁଡ଼ି ଦେବାରୁ ଜଣେ ବ୍ୟକ୍ତି ଓ ତାଙ୍କ ଝିଅର ମୃତ୍ୟୁ ଘଟିଛି। ମୃତକ ଦ୍ୱୟ ହେଲେ ଶିବରାମ ନାୟକ (୪୦) ଓ ତାଙ୍କ ଝିଅ ଶ୍ରାବଣୀ ନାୟକ (୬)।
ଗତକାଲି ରାତିରେ ଘରେ ଶୋଇଥିବା ବେଳେ ଉଭୟଙ୍କୁ କୌଣସି ବିଷାକ୍ତ ସାପ କାମୁଡ଼ି ଦେଇଥିଲା। ପରିବାର ଲୋକେ ସେମାନଙ୍କୁ ବୁଗୁଡ଼ା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ।
ଚିକିତ୍ସାଧୀନ ଅବସ୍ଥାରେ ଆଜି ସକାଳେ ଶ୍ରାବଣୀଙ୍କର ମୃତ୍ୟୁ ହୋଇଥିଲା। ତା’ପରେ ଅପରାହ୍ନରେ ଶିବରାମଙ୍କର ମଧ୍ୟ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା।
ବୁଗୁଡ଼ା ପୁଲିସ ଶିବରାମଙ୍କ ମୃତଦେହକୁ ଜବତ କରିଥିବା ବେଳେ ଘଟଣାର ତଦନ୍ତ କରୁଛି।