ମୃତ୍ୟୁ ଏମିତି ବି ଛକିଥାଏ। ଦୁର୍ଘଟଣା ସ୍ଥାନରେ ଛିଡା ହୋଇଥିବା ବେଳେ ମାଡିଗଲା କାର୍। କନଷ୍ଟେବଳଙ୍କ ସମେତ 9 ମୃତ, କାର୍ ଚାଳକ ଗୁରୁତର। ଆଜି(ଗୁରୁବାର) ସକାଳେ ଗୁଜରାଟ ଅହମ୍ମଦାବାଦ ଇସ୍କନ ବ୍ରିଜ୍ ନିକଟରେ ଏହି ଭୟାନକ ଦୁର୍ଘଟଣା ଘଟିଛି। ଗୁରୁତରଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନା ଅନୁସାରେ, ଏହି ସ୍ଥାନରେ କିଛି ସମୟ ପୂର୍ବରୁ ଦୁଇଟି ଗାଡି ମଧ୍ୟରେ ଧକ୍କା ହୋଇଥିଲେ। ଏଠାରେ ଥିବା କିଛି ଲୋକ ଏବଂ ପୁଲିସ କର୍ମଚାରୀ ଘଟଣାସ୍ଥଳରେ ଛିଡା ହୋଇଥିଲେ। ଏହି ସମୟରେ 160 କିଲୋମିଟର ବେଗରେ ଏକ କାର୍ ଆସି ସେମାନଙ୍କ ଉପରେ ମାଡି ଯାଇଥିଲା। ଫଳରେ 9 ଜଣଙ୍କର ମୃତ୍ୟ ଘଟିଛି। ମୃତକଙ୍କ ମଧ୍ୟରେ ଜଣେ କନଷ୍ଟେବଳ ଅଛନ୍ତି।
ଘଟଣାରେ ଗୁଜରାଟ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଶୋକ ପ୍ରକାଶ କରିବା ସହ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି। ଏଥିସହ ମୃତକଙ୍କ ପରିବାରକୁ 4 ଲକ୍ଷ ଏବଂ ଆହତଙ୍କୁ 50 ହଜାର କ୍ଷତିପୂରଣ ଦେବାକୁ ଘୋଷଣା କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
