ତାମିଲନାଡୁର ସାଲେମରେ ଭୟଙ୍କର ଦୁର୍ଘଟଣା। ରାସ୍ତାରେ ଛିଡା ହୋଇଥିବା ଏକ ଟ୍ରକକୁ ପଛରୁ ଧକ୍କା ଦେଲା ଭ୍ୟାନ୍। ଘଟଣାସ୍ଥଳରେ ଚାଲିଗଲା 6 ଜଣଙ୍କ ଜୀବନ। ଆଜି ଭୋଅର ପ୍ରାୟ 4ଟା ସମୟରେ ଏହି ଭୟଙ୍କର ଦୁର୍ଘଟଣା ଘଟିଛି।
ସୂଚନା ଅନୁସାରେ, ଏଙ୍ଗୁରରୁ 8 ଜଣ ଯାତ୍ରୀ ଏକ ଭ୍ୟାନ୍ ଯୋଗେ ପେରୁନ୍ଥୁରାଇକୁ ଯାତ୍ରା କରୁଥିଲେ। ଏହି ସମୟରେ ତାମିଲନାଡୁର ସାଲେମ-ଏରୋଡ ରାଜପଥ ନିକଟରେ ଛିଡା ହୋଇଥିବା ଏକ ଟ୍ରକୁ ଭ୍ୟାନଟି ଦ୍ରୁତଗତିରେ ଆସି ଧକ୍କା ଦେଇଥିଲା। ଏଥିରେ 6 ଜଣଙ୍କର ମୃତ୍ୟୁ ଘଟିଛି।
ମୃତକଙ୍କ ମଧ୍ୟରେ ଜଣେ ଏକ ବର୍ଷର ଶିଶୁ ମଧ୍ୟ ଥିଲା। ଡ୍ରାଇଭର ଓ ଅନ୍ୟ ଜଣେ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି। ଗୁରୁତର ଅବସ୍ଥାରେ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ପୁଲିସ ସିସିଟିଭି ଫୁଟେଜ୍ ମାଧ୍ୟମରେ ଏହି କାରଣରୁ ମୃତ୍ୟୁ ଘଟିଥିବା କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।