OR 
ଝିଅର ମୃତ୍ୟୁ ଖବର ପାଇ ଘରକୁ ଫେରିବା ବେଳେ ଷ୍ଟେସନରେ ଚାଲିଗଲା ବାପାର ଜୀବନ। ଏଭଳି ଦୁଃଖଦ ଘଟଣା ଘଟିଛି ତାମିଲନାଡୁର କୋଏମ୍ବାଟୁର ଷ୍ଟେସନରେ। ମୃତକଙ୍କ ନାଁ ମଦନ ଗୌଡ଼। ତାଙ୍କ ଘର ଓଡ଼ିଶାର ରାୟଗଡ଼ା ଜିଲ୍ଲା କାଶୀପୁର ବ୍ଲକ ରାଶିଝିରି ଗାଁରେ।
ଅସୁସ୍ଥତା ହେତୁ ଗତକାଲି ମଦନ ଗୌଡ଼ ଝିଅଙ୍କ ମୃତ୍ୟୁ ଘଟିଥିଲା। ଦାଦନ ଖଟିବା ପାଇଁ କୋଏମ୍ବାଟୁର ଯାଇଥିବା ମଦନ ଫୋନ୍ ଯୋଗେ ଝିଅର ମୃତ୍ୟୁ ଖବର ପାଇଥିଲେ। ଏହି ଖବର ପାଇ ଘରକୁ ବାହାରିଥିଲେ ମଦନ। ସେ କୋଏମ୍ବାଟୁର ରେଳଷ୍ଟେସନରେ ପହଞ୍ଚି ଥିଲେ। ତେବେ ଟ୍ରେନ୍ରେ ବସିବା ପୂର୍ବରୁ ତାଙ୍କର ମୃତ୍ୟୁ ଘଟିଥିଲା। କେଉଁ କାରଣରୁ ତାଙ୍କର ମୃତ୍ୟୁ ଘଟିଲା ତାହା ଜଣାପଡ଼ି ନାହିଁ।
Also Read
କୋଏମ୍ବାଟୁର ରେଳବିଭାଗ ପୁଲିସ ମଦନଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ଅନ୍ୟପଟେ ମଦନଙ୍କ ମୃତଦେହକୁ ଗାଁକୁ ଫେରାଇ ଆଣିବା ପାଇଁ ସହାୟତା କରିବାକୁ ରାୟଗଡ଼ା ପ୍ରଶାସନକୁ କହିଛନ୍ତି ତାଙ୍କ ପରିବାର ଲୋକେ। ମଦନ ଘରର ଏକ ମାତ୍ର ରୋଜଗାରକ୍ଷମ ସଦସ୍ୟ ଥିଲେ। ଘରେ ତାଙ୍କ ସ୍ତ୍ରୀ ଓ ତିନି ଛୁଆ ଅଛନ୍ତି। ସେମାନେ ସମସ୍ଥେ ଦୁଃଖରେ ଭାଙ୍ଗି ପଡ଼ିଛନ୍ତି।
ସହକାରୀ ଶ୍ରମ ଅଧିକାରୀ ସଞ୍ଜୟ କୁମାର ରଇତୋ କହିଛନ୍ତି ଯେ ଘଟଣାର ତଦନ୍ତ ଚାଲିଛି। ଯଥାଶୀଘ୍ର ମରଶରୀର ଫେରାଇ ଆଣିବା ନିମନ୍ତେ ଉଦ୍ୟମ ଚାଳିଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
