ଟ୍ରକ୍ ବାଇକ୍ ମୁହାମୁହିଁ ଧକ୍କା। ଗୋଟିଏ ପରିବାରର ୩ ଗୁରୁତର। ଗୁରୁତର ମାନେ ହେଲେ ଆରତ ବେହେରା, ସ୍ତ୍ରୀ ଝିଲି ବେହେରା ଓ ଛୁଆ। ଚିକିତ୍ସା ପାଇଁ ଦଶପଲ୍ଲା ରୁ ନୟାଗଡ଼ ସ୍ତାନାନ୍ତର କରାଯାଇଛି।
ଏଭଳି ଦୁର୍ଘଟଣା ଘଟିଛି ଖୋର୍ଦ୍ଧା-ବଲାଙ୍ଗୀର ୫୭ ନଂ ଜାତୀୟ ରାଜପଥର ବାଣୀଗୋଛା ଥାନା ଦୂର୍ଗାପ୍ରସାଦ ଛକ ନିକଟରେ। ଗୋଟିଏ ବାଇକରେ ସ୍ୱାମୀ ଆରତ ବେହେରା, ସ୍ତ୍ରୀ ଝିଲି ବେହେରା ଓ ଛୁଆକୁ ନେଇ ଶ୍ୱଶୁର ଘର ଫୁଲବାଣୀ ଅଭିମୁଖେ ଯାଉଥିଲେ। ରାସ୍ତାରେ ଯିବାବେଳେ ଗୋଟଏ ଟ୍ରକ୍ ଦ୍ରୁତଗତିରେ ଆସି ପଛପଟୁ ବାଇକ୍ ଧକ୍କା ଦେଇଥିଲା। ଫଳରେ ବାଇକ୍ ଟି ତଳେ ପଡ଼ିଯାଇଥିଲା। ବାଇକ୍ରେ ଯାଉଥିବା ଆରତଙ୍କ ସହ ସ୍ତ୍ରୀ ଓ ପିଲା ତଳେ ପଡ଼ିଯାଇଥିଲେ। ଗୋଟିଏ ପରିବାରର ୩ ଜଣ ରକ୍ତାକ୍ତ ଅବସ୍ତାରେ ରାସ୍ତାରେ ପଡ଼ିଥିବା ସ୍ଥାନୀୟ ଲୋକେ ଦେଖି ଆମ୍ବୁଲାନ୍ସକୁ ଖବର ଦେଇଥିଲେ।
Also Read
ତେବେ ଘଟଣା ସ୍ଥଳରେ ଆମ୍ବୁଲାନ୍ସ ପହଞ୍ଚି ଗୁରୁତର ମାନଙ୍କୁ ପ୍ରଥମେ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିଥିଲେ। ସେଠାରେ ତାଙ୍କ ଚିକିତ୍ସା ଚାଲିଛି। ଏନେଇ ଖବର ପାଇ ବାଣୀଗୋଛା ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
