ବାଇକ୍ ଉପରେ ଟ୍ରକ ଓଲଟି ପଡ଼ିବାରୁ ଦୁଇ ଜଣଙ୍କର ମୃତ୍ୟୁ ଘଟିଛି। ଭବାନୀପାଟଣା ଓ ବିଶାଖାପାଟଣାକୁ ସଂଯୋଗ କରୁଥିବା ରାସ୍ତାର ଢେପଗୁଡ଼ା ଘାଟିରେ ଘଟିଛି ଏହି ଦୁର୍ଘଟଣା।
ମୃତକ ଦ୍ୱୟ ହେଉଛନ୍ତି ଅରୁଣ ଧଙ୍ଗଡା ମାଝୀ ଓ ପଦ୍ମଲୋଚନ ପାତ୍ର । ଦୁହେଁ ରାଜମିସ୍ତ୍ରୀ ଥିଲେ ଓ ଆଜି ସକାଳେ ବାଇକ୍ ଯୋଗେ କାର୍ଯ୍ୟସ୍ଥଳକୁ ଯାଉଥିଲେ।
Also Read
ଏହି ସମୟରେ ପଛରୁ ଦୃତ ଗତିରେ ଆସୁଥିବା ଏକ ଟ୍ରକ ସେମାନଙ୍କ ଉପରେ ଓଲଟି ପଡ଼ିଥିଲା। ଘଟଣାସ୍ଥଳରେ ଅରୁଣ ଓ ପଦ୍ମଲୋଚନଙ୍କର ମୃତ୍ୟୁ ଘଟିଥିଲା। ଅନ୍ୟ ପକ୍ଷରେ ଟ୍ରକ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିଲେ।
ବିଶ୍ୱନାଥ ପୁର ପୁଲିସ୍ ଏହି ଘଟଣାର ତଦନ୍ତ କରୁଛି। ପୁଲିସ୍ ଏକ ଟିମ୍ ଘଟଣାସ୍ଥଳକୁ ଯାଇ ଯାଞ୍ଚ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।