ବାଇକ୍ ଆରୋହୀଙ୍କ ଉପରେ ଓଲଟିଲା ଟ୍ରକ, ୨ମୃତ

ବାଇକ୍‌ ଉପରେ ଟ୍ରକ ଓଲଟି ପଡ଼ିବାରୁ ଦୁଇ ଜଣଙ୍କର ମୃତ୍ୟୁ ଘଟିଛି। ଭବାନୀପାଟଣା ଓ ବିଶାଖାପାଟଣାକୁ ସଂଯୋଗ କରୁଥିବା ରାସ୍ତାର ଢେପଗୁଡ଼ା ଘାଟିରେ ଘଟିଛି ଏହି ଦୁର୍ଘଟଣା।

ମୃତକ ଦ୍ୱୟ ହେଉଛନ୍ତି ଅରୁଣ ଧଙ୍ଗଡା ମାଝୀ ଓ ପଦ୍ମଲୋଚନ ପାତ୍ର । ଦୁହେଁ ରାଜମିସ୍ତ୍ରୀ ଥିଲେ ଓ ଆଜି ସକାଳେ ବାଇକ୍ ଯୋଗେ କାର୍ଯ୍ୟସ୍ଥଳକୁ ଯାଉଥିଲେ।

ଏହି ସମୟରେ ପଛରୁ ଦୃତ ଗତିରେ ଆସୁଥିବା ଏକ ଟ୍ରକ ସେମାନଙ୍କ ଉପରେ ଓଲଟି ପଡ଼ିଥିଲା। ଘଟଣାସ୍ଥଳରେ ଅରୁଣ ଓ ପଦ୍ମଲୋଚନଙ୍କର ମୃତ୍ୟୁ ଘଟିଥିଲା। ଅନ୍ୟ ପକ୍ଷରେ ଟ୍ରକ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିଲେ।

ବିଶ୍ୱନାଥ ପୁର ପୁଲିସ୍ ଏହି ଘଟଣାର ତଦନ୍ତ କରୁଛି। ପୁଲିସ୍ ଏକ ଟିମ୍ ଘଟଣାସ୍ଥଳକୁ ଯାଇ ଯାଞ୍ଚ କରିଛି।