ଟ୍ରାକ୍ଟର ଓଲଟି ପଡ଼ିବାରୁ ବଡ଼ବାପାଙ୍କର ମୃତ୍ୟୁ ହୋଇଥିବା ବେଳେ ପୁତୁରା ଗୁରୁତର ଆହାତ ହୋଇଥିଲେ। ଘଟଣାଟି ଘଟିଛି କେନ୍ଦୁଝର ଜିଲ୍ଲା ହାଟଡ଼ିହି ବ୍ଲକ ସୋସୋ ଥାନା ଝଣଝଣା ନିକଟରେ। ମୃତକ ହେଉଛନ୍ତି ବିଜୟ କୁମାର ନାଏକ ଓ ଗୁରୁରତର କ୍ଷୀରୋଦ କୁମାର ନାଏକ।
ଗତକାଲି ବିଳମ୍ବିତ ରାତିରେ ବଡ଼ବାପା ବିଜୟ ଓ ପୁତୁରା କ୍ଷୀରୋଦ ଟ୍ରାକ୍ଟରରେ ଘରକୁ ଫେରୁଥିଲେ। ସେଇସମୟରେ ଝଣଝଣା ନିକଟରେ ଟ୍ରାକ୍ଟଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ବିଜୟ ଓ କ୍ଷୀରୋଦ ଟ୍ରାକ୍ଟର୍ ତଳେ ଚାପି ହୋଇ ରହିଥିଲେ। ସ୍ଥାନୀୟ ଲୋକେ ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ। ସେଠାରେ ବଡ଼ବାପା ବିଜୟଙ୍କର ମୃତ୍ୟୁ ହୋଇଥିବା ବେଳେ ପୁତୁରା ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଥିଲା।