ବଜ୍ରାଘାତରେ ୨ ମୃତ

ବଜ୍ରପାତରେ ଦୁଇ ଜଣଙ୍କ ମୃତ୍ୟୁ ଘଟିଛି। ଝାରସୁଗୁଡ଼ା ଜିଲ୍ଲା କୋଲାବିରା ବ୍ଲକ କାଳିବାହାଲ ଗାଁରେ ଘଟିଛି ଏହି ଘଟଣା।

ଆଜି ଅପରାହ୍ନ ପ୍ରାୟ ୨ଟା ବେଳେ ଏହି ଘଟଣା ଘଟିଛି। ଗାଁ ପାଖ ଜମିରେ ମୃତକ ଦ୍ୱୟ ଚାଷ କାର୍ଯ୍ୟରେ ବ୍ୟସ୍ତ ଥିଲେ। ସେତିକି ବେଳେ ବର୍ଷା ହେବା ସହିତ ବିଜୁଳି ମାରିଥିଲା।

ଏହା ଦେଖି ଉଭୟେ ପାଖରେ ଥିବା ଏକ ମହୁଲ ଗଛ ତଳକୁ ଚାଲିଯାଇଥିଲେ। ଗଛ ମୂଳେ ଆଶ୍ରୟ ନେଇଥିବା ବେଳେ ସେମାନେ ବଜ୍ରାଘାତ ଶିକାର ହୋଇଥିଲେ।

ଉଭୟଙ୍କୁ ଅଚେତ ଅବସ୍ଥାରେ ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ସେଠାରେ ସେମାନଙ୍କୁ ମୃତ ଘୋଷଣା କରିଥିଲେ ଡାକ୍ତର।