ମୟୁରଭଞ୍ଜ ଜିଲ୍ଲା ବେତନଟୀ ବ୍ଲକ ଡୁମାପଦା ଗାଁରେ ଆଜି ଅପରାହ୍ନରେ ବିଲରେ କାମ କରୁଥିବା ବେଳେ ବଜ୍ରପାତ ହେବା ଯୋଗୁଁ ଦୁଇ ଜଣ ଚାଷୀଙ୍କ ମୃତ୍ୟୁ ହୋଇଛି। ମୃତକ ଦ୍ୱୟ ହେଉଛନ୍ତି- ଡୁମାପଦା ଗାଁ ପାଖ ଶଂଖଯୋଡ଼ ଗାଁର ଗୋବିନ୍ଦ ମହାନ୍ତ ଓ ଭୁଡୁରୁବଣି ଗାଁର ଶିବ ହାଁସଦା।
Also Read
ବିଜୁଳି ମାରିବା ପରେ ଅଚେତ ହୋଇଯାଇଥିବା ଗୋବିନ୍ଦ ମହାନ୍ତ ଓ ଶିବ ହାଁସଦାଙ୍କୁ ବେତନଟୀ ଡାକ୍ତରଖାନାକୁ ନିଆଯାଇଥିଲା। କିନ୍ତୁ ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।
ଆଜି ବଜ୍ରପାତ ବେଳେ ଗୋବିନ୍ଦ ଓ ଶିବଙ୍କ ଆଖପାଖରେ ଆଉ କିଛି ଲୋକ ଥିଲେ। କିନ୍ତୁ ସେମାନଙ୍କର କିଛି ହୋଇନାହିଁ।
ପ୍ରାୟ ମାସେ ତଳେ ବେତନଟୀ ବ୍ଲକର ମେରଦା ଗାଁରେ ଚାଷ କାମ କରୁଥିବା ବେଳେ ବିଜୁଳି ମାରିବାରୁ ଏକ ଦମ୍ପତିଙ୍କ ମୃତ୍ୟୁ ଘଟିଥିଲା।
ରିପୋର୍ଟ- ବାରିପଦାରୁ ମାନିକ୍ ଲାଲ୍ ପାଣି
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
