ନଦୀରେ ଗାଧୋଉଥିବା ବେଳେ ବୁଡ଼ି ଗଲେ ଦୁଇ ସାଙ୍ଗ। ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ନିଖୋଜ ଅଛନ୍ତି। ଘଟଣାଟି ଘଟିଛି ଯାଜପୁର ଜିଲ୍ଲା ବାଲିଚନ୍ଦ୍ରପୁର ନିକଟ ନାନପୁରରେ।
ମୃତକଙ୍କ ନାଁ ଅଭିଜିତ ପାତ୍ର (୨୪)। ତାଙ୍କ ଘର ଭୁବନେଶ୍ୱରରେ। ନିଖୋଜ ଯୁବକଙ୍କ ନାଁ ଜ୍ୟୋତିରଞ୍ଜନ ପାଢ଼ୀ (୨୨)। ତାଙ୍କ ଘର ପଟ୍ଟାମୁଣ୍ଡାଇରେ।
Also Read
ଜ୍ୟୋତିରଞ୍ଜନ ତାଙ୍କ ସାଙ୍ଗ ଅଭିଜିତଙ୍କୁ ନେଇ ନାନପୁରରେ ଜଣେ ବନ୍ଧୁ ଘରକୁ ଆସିଥିଲେ। ଆଜି ଦୁହେଁ ସେଠାରେ ବିରୁପା ନଦୀରେ ଗାଧୋଉଥିବା ବେଳେ ବୁଡ଼ି ଯାଇଥିଲେ। ଅଭିଜିତଙ୍କୁ ଗ୍ରାମବାସୀ ଉଦ୍ଧାର କରିଥିଲେ। ତେବେ ସେତେବେଳକୁ ତାଙ୍କର ମୃତ୍ୟୁ ହୋଇସାରିଥିଲା। କିନ୍ତୁ ସେମାନେ ଜ୍ୟୋତିରଞ୍ଜନଙ୍କୁ ପାଇନଥିଲେ।
ଖବର ପାଇ ଚଣ୍ଡିଖୋଲରୁ ଦମକଳ ବାହିନୀ କର୍ମଚାରୀ ଆସି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ତେବେ ଖବର ଲେଖାଯିବା ପର୍ଯ୍ୟନ୍ତ ଜ୍ୟୋତିରଞ୍ଜନଙ୍କ ପତ୍ତା ମିଳି ନଥିଲା।
ରିପୋର୍ଟ- ଯାଜପୁରରୁ ଗୁଲାମ ଗସ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
