OR 
ଲଗାଣ ବର୍ଷା ଯୋଗୁ ରାଜ୍ୟର ଭିନ୍ନ ଭିନ୍ନ ସ୍ଥାନରେ ଘରର କାନ୍ଥ ଭୁଶୁଡ଼ି ୨ ଜଣଙ୍କ ମୃତ୍ୟୁ ଘଟିଥିବା ବେଳେ ଆଉ ୨ ଜଣ ଆହତ ହୋଇଛନ୍ତି। ଗୋଟିଏ ଘଟଣା ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକରେ ଘଟିଥିବା ବେଳେ ଅନ୍ୟଟି ଅନୁଗୋଳ ଜିଲ୍ଲା ବଅଁରପାଳ ବ୍ଲକରେ ଘଟିଛି।
ଚନ୍ଦାହାଣ୍ଡି ବ୍ଲକ୍ ଭାଟିପଡ଼ା ଗାଁରେ ମାଟି ଘରର କାନ୍ଥ ଭୁଶୁଡ଼ି ଜଣେ ୪ ବର୍ଷର ଶିଶୁ ପୁତ୍ର ପ୍ରାଣ ହରାଇଛନ୍ତି। ମୃତ ଶିଶୁ ପୁତ୍ରଙ୍କ ନାଁ ଘାସିରାମ ବାଘ। ସେ ତାଙ୍କ ଜେଜେ ବାପାଙ୍କ ପାଖକୁ ଯାଉଥିବା ବେଳେ ହଠାତ ଘରର କାନ୍ଥ ଭୁଶୁଡ଼ି ପଡ଼ିଥିଲା। କାନ୍ଥଟି ଭୁଶୁଡ଼ି ଘାସିରାମଙ୍କ ଉପରେ ପଡ଼ିଥିଲା। ତାଙ୍କୁ ପ୍ରଥମେ ଚନ୍ଦାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଅବସ୍ଥା ଗୁରୁତର ହେବାରୁ ତାଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଡାକ୍ତରଖାନାକୁ ନିଆଯାଇଥିଲା। ତେବେ ସେଠାରେ ଡାକ୍ତର ଘାସିରାମଙ୍କୁ ମୃତ ଘୋଷଣା କରିଥିଲେ।
Also Read
ସେହିପରି ଅନୁଗୋଳର ବଅଁରପାଳ ବ୍ଲକ୍ ସାନକେରଜାଙ୍ଗ ଗାଁରେ ଘର କାନ୍ଥ ଭୁଶୁଡି ଜଣେ ବୃଦ୍ଧ ପ୍ରାଣ ହରାଇଛନ୍ତି। ମୃତ ବ୍ୟକ୍ତିଙ୍କ ନାଁ ପରଭା ଗୋଛାୟତ। ସେ ନଜି ଦୁଇ ନାତୁଣୀଙ୍କ ସହ ଘରେ ଶୋଇଥିବା ବେଳେ କାନ୍ଥ ଭୁଶୁଡ଼ି ପଡିଥିଲା। ତିନି ଆହତଙ୍କୁ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ହେଲେ ସେଠାରେ ପରଭା ଗୋଛାୟତଙ୍କୁ ମୃତ ଘୋଷଣା କରାଯାଇଥିଲା। ତାଙ୍କ ଆହତ ନାତୁଣୀ ଦ୍ୱୟଙ୍କ ମଧ୍ୟରୁ ଜଣଙ୍କୁ ୩ ବର୍ଷ ହୋଇଥିବା ବେଳେ ଅନ୍ୟ ଜଣଙ୍କୁ ୫ ବର୍ଷ ହୋଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
