ଚଳନ୍ତା କାର୍ରେ ଲାଗିଲା ନିଆଁ । ଆଉ କାର୍ ଭିତରେ ଥିବା ଦୁଇ ଯୁବକ ବାହାରି ନ ପାରି ଜୀଅନ୍ତା ଜଳିଗଲେ। ଫଳରେ କାର୍ ଭିତରେ ହିଁ ସେମାନଙ୍କ ମୃତ୍ୟୁ ଘଟିଛି। ଏପରି ଏକ ଅଭାବନୀୟ ଘଟଣା ଉତ୍ତରପ୍ରଦେଶର ନୋଏଡାରେ ଘଟିଛି।
ନୋଏଡା ଥାନା ସେକ୍ଟର-୧୧୩ ରେ ଆଜି ଭୋରରୁ ଏପରି ଏକ ଘଟଣା ଘଟିଛି। ଏକ କାର୍ରେ ନିଆଁ ଲାଗି ଯାଇଥିବା ଖବର ପାଇ ତୁରନ୍ତ ଅଗ୍ନିଶମ ବାହିନୀ ପହଞ୍ଚିଥିଲା। ବହୁ ପରିଶ୍ରମ ପରେ ନିଆଁକୁ ଆୟତ୍ତ କରାଯାଇଥିଲା। ଏହାପରେ କାର୍ ଭିତରୁ ୨ ଜୀବନ୍ତ ଦଗ୍ଧ ହୋଇ ଯାଇଥିବା ମୃତଦେହକୁ ଉଦ୍ଧାର କରାଯାଇଛି।
Also Read
ଉଭୟ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଥିବା ବେଳେ ସେମାନଙ୍କ ଚିହ୍ନଟ ହୋଇ ପାରି ନ ଥିବା ଜଣାଯାଇଛି। ଏପରିକି ସେମାନଙ୍କ ଘର କେଉଁଠି ଓ ସେମାନେ କୁଆଡ଼େ ଯାଉଥିଲେ ତାହା ବି ସ୍ପଷ୍ଟ ହୋଇ ପାରିନି।
ଘଟଣାସ୍ଥଳରେ ପୁଲିସ୍ ଓ ଫରେନସିକ୍ ଟିମ୍ ପହଞ୍ଚି ତଦନ୍ତ କରିଛନ୍ତି । ଏଥିସହ ସିସିଟିଭି ଫୁଟେଜ ଆଧାରରେ ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି। ତେବେ ଏହି ଘଟଣା ଯୋଗୁ ସ୍ଥାନୀୟ ଅଞ୍ଚଳବାସୀ ଛାନିଆ ହୋଇ ଯାଇଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
