ଦୁର୍ଘଟଣାଗ୍ରସ୍ତ ହେଲା କେନ୍ଦ୍ର ମନ୍ତ୍ରୀଙ୍କ ପୁଅଙ୍କ କାର୍। ଅଟୋକୁ ଧକ୍କା ଦେଇଛି କେନ୍ଦ୍ର ମନ୍ତ୍ରୀ ପ୍ରହ୍ଲାଦ ପଟେଲଙ୍କ ପୁଅଙ୍କ ଫର୍ଚୁନର୍ କାର୍। ଏଥିରେ ତିନି ଜଣ ଆହତ ହୋଇଛନ୍ତି। ମଧ୍ୟପ୍ରଦେଶର ଗଡ଼ା ଥାନା ଅନ୍ତର୍ଗତ ମେଡିକାଲ ୟୁନିର୍ଭସିଟି ନିକଟରେ ଏହି ଦୁର୍ଘଟଣା ଘଟିଛି।
ସୂଚନା ମୁତାବକ, ଅଟୋ ଡ୍ରାଇଭରକୁ ବଞ୍ଚାଇବାକୁ ଚେଷ୍ଟା କରୁଥିବାବେଳେ ପ୍ରଥମେ କାରଟି ଡିଭାଇଡର୍ରେ ପଟି ହୋଇଥିଲା ଏବଂ ପରେ ଅଟୋ ସହିତ ଧକ୍କା ହୋଇଥିଲା। ଏହା ପରେ ମନ୍ତ୍ରୀ ପୁଅଙ୍କ ଫର୍ଚୁନର୍ କାର୍ଟି ବୁଦା ଭିତରକୁ ପଶିଯାଇଥିଲା। ଘଟଣାସ୍ଥଳରେ ପୁଲିସ ପହଞ୍ଚି ଆହତମାନଙ୍କୁ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଦୁର୍ଘଟଣା ତିନି ଯୁବକ ରାକେଶ ପଟେଲ, ସନ୍ଦୀପ ପଟେଲ ଓ ମନିଷ ଆହତ ହୋଇଛନ୍ତି।
Also Read
ଗାରହା ପୁଲିସ ଷ୍ଟେସନର ଦାୟିତ୍ୱରେ ଥିବା ବ୍ରିଜେଶ ମିଶ୍ର କହିଛନ୍ତି ଯେ କାରଟି ପୈସାନାରୀର ମାଦିଆରୁ ଭଡ଼ାଘାଟ ବାଇପାସ୍ ଆଡକୁ ଯାଉଥିଲା। ଏହି ସମୟରେ ସାମ୍ନା ପଟୁ ଏକ ଅଟୋ ଆସୁଥିଲା। ମେଡିକାଲର ବାଳକ ହଷ୍ଟେଲ ସମ୍ମୁଖରେ ଅଟୋ ଡ୍ରାଇଭର ହଠାତ୍ ଅଟୋଟିକୁ ବୁଲାଇ ଦେଇଥିଲେ। ଏହି କାରଣରୁ କାରଟି ଡିଭାଇଡର୍ ସହିତ ମୁହାଁମୁହିଁ ହୋଇ ଧକ୍କା ହୋଇଥିଲା। ଶନିବାର ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି।
ତେବେ ଦୁର୍ଘଟଣା ସମୟରେ କାର୍ କିଏ ଚଳାଉଥିଲା ସେ ନେଇ କିଛି ଉତ୍ତର ଦେଇନାହିଁ ପୁଲିସ। ଘଟଣାର ତଦନ୍ତ ଜାରି ରହିଥିବା ପୁଲିସ ସୂଚନା ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
