କ୍ରାଶ କରିଗଲା ସେନା ବିମାନ, ଚାଲିଗଲା ୮ ଜୀବନ

ଆମେରିକା ସେନାର ଗୋଟିଏ ବିମାନ ଜାପାନର ୟାକୁଶିମା ଦ୍ୱୀପପୁଞ୍ଜ ନିକଟରେ କ୍ରାଶ କରି ଯାଇଛି। ଏହି ଭି-୨୨ ଓସପ୍ରେୟ ବିମାନରେ ମୋଟ ୮ ଜଣ କ୍ରୁ ସଦସ୍ୟ ଥିଲେ। ଦୁର୍ଘଟଣାରେ ସମସ୍ତଙ୍କ ମୃତ୍ୟୁ ଘଟିଛି। ତଟରକ୍ଷୀ ବାହିନୀର ମୁଖପାତ୍ରଙ୍କ ପକ୍ଷରୁ ଦୁର୍ଘଟଣା ଖବରକୁ ନିଶ୍ଚିତ କରାଯାଇଛି।

ମୁଖପାତ୍ର ଜଣଙ୍କ କହିଛନ୍ତି ଯେ ସମୁଦ୍ର ମଧ୍ୟରୁ କ୍ରାଶ ହୋଇଥିବା ବିମାନର ଧ୍ୱଂସାବଶେଷ ଓ ଜଣେ କ୍ରୁ ସଦସ୍ୟଙ୍କ ମୃତଦେହ ମିଳିଛି। ତଟରକ୍ଷୀ ବାହିନୀର ପାଟ୍ରୋଲ ଡଙ୍ଗା ଓ ବିମାନ ଉଦ୍ଧାର କାର୍ଯ୍ୟରେ ଲାଗିଛନ୍ତି।

ସ୍ଥାନୀୟ ସମୟ ଅପରାହ୍ନ ୨.୪୭ ମିନିଟରେ ଆମେରିକା ସେନାର ଗୋଟିଏ ବିମାନ ୟାକୁଶିମା ଦ୍ୱୀପପୁଞ୍ଜରେ କ୍ରାଶ କରି ଯାଇଥିବା ଖବର ମିଳିଥିଲା। ଏହା ମଧ୍ୟରେ ୮ ଜଣ କ୍ରୁ ସଦସ୍ୟ ଥିବା ଆମକୁ କୁହାଯାଇଥିଲା। ଏହାପରେ ଆମେ ଉଦ୍ଧାର କାର୍ଯ୍ୟକୁ ତ୍ୱାରାନ୍ୱିତ କରିଥିଲୁ ବୋଲି ମୁଖପାତ୍ର ଜଣଙ୍କ କହିଛନ୍ତି।

ଏହାପୂର୍ବରୁ ଅଗଷ୍ଟ ମାସରେ ଅଷ୍ଟ୍ରେଲିଆରେ ମଧ୍ୟ ଗୋଟିଏ ଓସପ୍ରେୟ ବିମାନ କ୍ରାଶ ହୋଇଥିଲା। ୩ ଜଣ ନୌ ସେନା ଯବାନଙ୍କ ୨୩ ଜଣ ଏଥିରେ ପ୍ରାଣ ହରାଇଥିଲେ।