ଗାଡ଼ି ଚଲାଇବା ବେଳେ ହଠାତ୍ ଶୋଇ ପଡିଲେ ଡ୍ରାଇଭର। ଜୀବନ୍ତ ଜଳିଗଲେ ମହିଳା। ତେଲେଙ୍ଗାନାର ଜୋଗୁଲାମ୍ବା ଜିଲ୍ଲରେ ଆଜି ଭୋରୁ ଏଭଳି କିଛି ଘଟଣା ଘଟିଛି। ଏହି ଘଟଣାରେ ଅନ୍ୟ ୪ ଜଣ ଆହତ ମଧ୍ୟ ହୋଇଛନ୍ତି।
ଚିତ୍ତୁର ଯାଉଥିବା ଏକ ଘରୋଇ ବସ୍ରେ ଆଜି ଭୋରୁ ନିଆଁ ଲାଗିଯାଇଛି। ଫଳରେ ଏଥିରେ ଜଣେ ମହିଳା ଯାତ୍ରୀ ଜୀବନ୍ତ ଦଗ୍ଧ ହୋଇଥିବା ବେଳେ ଅନ୍ୟ ୪ ଜଣ ଯାତ୍ରୀ ଆହତ ହୋଇଛନ୍ତି। ହାଇଦ୍ରାବାଦ-ବେଙ୍ଗାଲୁରୁ ଜାତୀୟ ରାଜପଥର ଏର୍ରାବଲ୍ଲି ଛକରେ ଏହି ଦୁର୍ଘଟଣା ଘଟିଛି।
Also Read
ସୂଚନା ମୁତାବକ, ଗାଡି ଚଳାଇବା ବେଳେ ବସ୍ ଡ୍ରାଇଭରଙ୍କୁ ନିଦ ଲାଗିଥିଲା। ଏହାପରେ ହଠାତ୍ ତାଙ୍କ ଆଖି ପଡିଯାଇଥିଲା। ଫଳରେ ସେ ନିୟନ୍ତ୍ରଣ ହରାଇଥିଲେ। ଏହାପରେ ବସ୍ଟି ଓଲଟି ପଡିଥିଲା। ଏଥିରେ ନିଆଁ ଲାଗିଯାଇଥିଲା। ଯାତ୍ରୀମାନେ ତୁରନ୍ତ ବସ୍ରୁ ଓହ୍ଲାଇ ଆସିଥିଲେ। କିନ୍ତୁ ଯାତ୍ରୀ ଝରକା ଭାଙ୍ଗି ନିଜ ଜୀବନ ବଞ୍ଚାଇଥିଲେ। କିନ୍ତୁ ଜଣେ ମହିଳା ଯାତ୍ରୀ ବାହାରକୁ ଆସିବା ବେଳେ ତାଙ୍କ ହାତ ଫଶି ଯାଇଥିଲା। ଫଳରେ ସେ ଜୀବନ୍ତ ଜଳି ଯାଇଥିଲେ।
ସେହିପରି ଏହି ଦୁର୍ଘଟଣାରେ ୪ ଜଣ ଯାତ୍ରୀ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୩ ଜଣଙ୍କୁ ଗଡଓ୍ୱାଲ ହସ୍ପିଟାଲରେ ଭର୍ତ୍ତି କରାଯାଇଛି। ଅନ୍ୟ ଜଣେ ଆହତଙ୍କୁ ହାଇଦ୍ରାବାଦ ସ୍ଥାନାନ୍ତର କରାଯାଇଛି। ସେପଟେ ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି। ତେବେ ବସ୍ଟି ପୂରାପୁରି ଜଳି ଯାଇଥିବା କୁହାଯାଉଛି। ଏହି ଭଲ୍ଭୋ ଘରୋଇ ବସ୍ରେ ୪୦ ଯାତ୍ରୀ ଥିଲେ। ପୁଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
