ସ୍କୁଟିରେ ଯାଉଥିବା ବେଳେ ଟ୍ରକ୍ ଧକ୍କା ଦେବାରୁ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ତାଙ୍କ ସ୍ୱାମୀ ଓ ଝିଅ ଗୁରୁତର ଆହତ ହୋଇଛନ୍ତି। ଆଜି କଟକ ନୂଆବଜାର ଛକରେ ଘଟିଛି ଏହି ଦୁର୍ଘଟଣା।
ମୃତ ମହିଳାଙ୍କ ନାଁ ସାରଥୀ ରାଉତ। ତାଙ୍କ ଘର କନ୍ଦରପୁର ଅଞ୍ଚଳରେ। ତାଙ୍କ ସ୍ୱାମୀଙ୍କ ନାଁ ଦୀପକ ରାଉତ। ତାଙ୍କ ସ୍ୱାମୀ ଓ ଝିଅଙ୍କୁ କଟକ ଏସ୍ସିବିରେ ଭର୍ତ୍ତି କରାଯାଇଛି।
Also Read
ଦୀପକ ସ୍କୁଟିରେ ପତ୍ନୀ ସାରଥୀ ଓ ଝିଅକୁ ନେଇ ଯାଉଥିବା ବେଳେ ଚାଉଳିଆଗଞ୍ଜ ଛକ ଆଡୁ ଆସୁଥିବା ଟ୍ରକଟି ସେମାନଙ୍କୁ ନୂଆବଜାର ଛକ ନିକଟରେ ଧକ୍କା ଦେଇଥିଲା। ଟ୍ରକ୍ ଧକ୍କା ଦେବା ପରେ ସାରଥୀ ତଳେ ପଡ଼ି ଯାଇଥିଲେ। ଏହା ପରେ ଟ୍ରକ୍ଟି ତାଙ୍କ ଉପରେ ଚଢ଼ି ଯାଇଥିଲା। ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା।
ଏହି ଦୁର୍ଘଟଣା ପରେ ଟ୍ରକ୍ ଛାଡ଼ି ଡ୍ରାଇଭର ଫେରାର ହୋଇଯାଇଥିଲେ। ପୁଲିସ୍ ଟ୍ରକ୍ଟିକୁ ଜବତ କରି ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।