ବାସ୍ତୁ ଅନୁସାରେ ଏମିତି କିଛି ଜିନିଷ ଅଛି, ଯେଉଁଗୁଡ଼ିକୁ ଘରେ ରଖିଲେ ଶୁଭଫଳ ମିଳିନଥାଏ। ସେଗୁଡ଼ିକୁ ଘରେ ରଖିଲେ ନକାରାତ୍ମକ ଶକ୍ତିର ପ୍ରଭାବ ବଢ଼ିଥାଏ ଓ ପରିବାର ସଦସ୍ୟଙ୍କ ପ୍ରତି ବିପଦ ଆଣିଥାଏ। ସେହି ଭଳି କିଛି ଜିନିଷ ସଂପର୍କରେ ସୂଚନା ଦେଇଛନ୍ତି ବିଶିଷ୍ଟ ବାସ୍ତୁବିଦ୍ ଡକ୍ଟର ମନୋଜ ଲେଙ୍କା। ନିମ୍ନଲିଖିତ ଜିନିଷ ଗୁଡ଼ିକୁ ଘରେ ନରଖିବା ପାଇଁ ସେ କହିଛନ୍ତି।
- ଘରେ କଣ୍ଟା ଜାତୀୟ ଗଛ ରଖନ୍ତୁ ନାହିଁ।
- ଘରେ ଭଙ୍ଗା ପ୍ଲାଷ୍ଟିକ୍, କାଚ, ଏକ୍ସପାରୀ ମେଡିସିନ୍ କେବେବି ରଖନ୍ତୁ ନାହିଁ।
- ଖାଲି ଡବା, ଅଚଳ ଘଣ୍ଟା, ଅକାମୀ ଇଲେକ୍ଟ୍ରୋନିକ୍ସ୍ ସାମଗ୍ରୀ ଘରକୁ ଆଣିଥାଏ ବିପଦ।
- କେବେବି କଳଙ୍କ ଯୁକ୍ତ ଲୁହା, ଭଙ୍ଗା ଆଇନା, ଭଙ୍ଗାରୁଜା ବାସନକୁସନ ରଖନ୍ତୁ ନାହିଁ।
- ଘରେ ଭଙ୍ଗା କବାଟ, ଭଙ୍ଗା ଆସବାବପତ୍ର, ଛିଣ୍ଡା ଝାଡ଼ୁ ରଖିଲେ ଦରିଦ୍ରତା ଆସିଥାଏ।
- ଘରେ ଦୂର୍ଗନ୍ଧଯୁକ୍ତ କପଡ଼ା ଥିଲେ ଅନେକ ପ୍ରକାର ସମସ୍ୟା ଆସେ।
- ଘରର କବାଟ କେଁ କଟର ଶବ୍ଦ କରୁଥିଲେ କିମ୍ୱା ଠିକ୍ ଭାବରେ ଖୋଲିବା ଓ ବନ୍ଦ ହେଉନଥିଲେ ଦରିଦ୍ରତା ଆସିଥାଏ।
- ଦୁଆର ମୁହଁରେ ବାଘର ପ୍ରତିମୂର୍ତ୍ତି, ଭଙ୍ଗା ବା ନଷ୍ଟ ହୋଇଯାଇଥିବା ଠାକୁରଙ୍କ ଫଟୋ ଘରକୁ ସମସ୍ୟା ଆଣିଥାଏ।
- ଘରେ ଯୁଦ୍ଧର ଚିତ୍ର, ଚିତ୍କାର ସମୟର ଚିତ୍ର, ବୁଡ଼ି ଯାଉଥିବା ଡଙ୍ଗାର ଚିତ୍ର ଆଣିଥାଏ ବିପଦ।
- ଘରର ରଙ୍ଗ ନୀଳ କିମ୍ବା କଳା ହୋଇଥିଲେ ଘରକୁ ବିପଦ ଛାଡ଼ି ଯାଇନଥାଏ।