ଭୁବନେଶ୍ୱର(ଓଡ଼ିଶା ରିପୋର୍ଟର୍): ଘର ଅବା ଦୋକାନ କି ଅଫିସ୍ର ପ୍ରମୁଖ ସ୍ଥାନରେ ସୌନ୍ଦର୍ଯ୍ୟ ବୃଦ୍ଧି ପାଇଁ ଅଧିକାଂଶ ଲୋକ ଏବେ ଫିଶ୍ ଆକ୍ୱାରିଅମ୍ ରଖୁଛନ୍ତି। ଆଜିକାଲି ଫିଶ୍ ଆକ୍ୱାରିଅମ୍ର ପ୍ରଚଳନ ମଧ୍ୟ ବେଶ୍ ବଢ଼ିଗଲାଣି। ତେବେ ବାସ୍ତୁଶାସ୍ତ୍ର ଅନୁସାରେ, ଏହି ଫିଶ୍ ଆକ୍ୱାରିଅମ୍ ସଠିକ୍ ସ୍ଥାନରେ ରଖିଲେ, ଏହା ଶୁଭ ଫଳ ଦେଇଥାଏ।
କୁହାଯାଏ, ଘରେ ମାଛ ଆକ୍ୱାରିଅମ୍ ରଖିଲେ, ପରିବାରର ସଦସ୍ୟଙ୍କ ଉପରକୁ ଆସିବାକୁ ଥିବା ବିପଦ ଟଳିଯାଏ। କିନ୍ତୁ ଘର ହେଉ ଅବା ଦୋକାନ କି ଅଫିସ୍, ଏହି ଫିଶ୍ ଆକ୍ୱାରିଅମ୍ କେଉଁଠି ରଖିବେ, ତାହା ବାସ୍ତୁଶାସ୍ତ୍ରରେ ନିର୍ଦ୍ଦିଷ୍ଟଭାବେ ଉଲ୍ଲେଖ ରହିଛି।
ଭୁଲ୍ରେ ବି କେବେ ଆକ୍ୱାରିଅମ୍କୁ ରୋଷେଇ ଘରର ଆଖପାଖରେ ରଖନ୍ତୁ ନାହିଁ। କାରଣ ଏହି ଜାଗାରେ ଆକ୍ୱାରିଅମ୍ ରଖିଲେ, ଘର ଉପରେ ନକାରାତ୍ମକ ଶକ୍ତିଙ୍କ ପ୍ରଭାବ ବଢ଼ିଥାଏ।
ଏହି ଆକ୍ୱାରିଅମ୍ ଦ୍ୱାରା ସକାରାତ୍ମକ ଶକ୍ତିର ପ୍ରଭାବ ବଢ଼ାଇବାକୁ ଚାହୁଁଥିଲେ, ସମୟ ସମୟରେ ଏହାର ପାଣିକୁ ବଦଳା'ନ୍ତୁ।
ପ୍ରାୟ ଅନେକ ସମୟରେ ଆକ୍ୱାରିଅମ୍ ଭିତରେ ମାଛ ମରିଯା'ନ୍ତି। ଆକ୍ୱାରିଅମ୍ରେ ମଲା ମାଛ ଉପରେ ନଜର ପଡ଼ିବା ମାତ୍ରେ, ତୁରନ୍ତ ଏହାକୁ ବାହାର କରି ପୋଖରୀ କିମ୍ବା ନଦୀରେ ଭସାଇ ଦିଅନ୍ତୁ। ନଚେତ୍ ଘରକୁ ଖରାପ ଶକ୍ତି ପ୍ରବେଶ କରିବାର ଆଶଙ୍କା ରହିଛି।