ବିନା ଖର୍ଚ୍ଚରେ ବି ଦୂର କରିହେବ ଘରର ବାସ୍ତୁ ଦୋଷ, ଜାଣନ୍ତୁ କିପରି...

ସ୍ୱପ୍ନର ଘର ଖଣ୍ଡେ ପାଇଁ ସମସ୍ତେ ବହୁତ କଷ୍ଟ କରିଥାନ୍ତି। ହେଲେ ବେଳେବେଳେ ଏହି ଘରେ ରହି ଯାଇଥିବା ବାସ୍ତୁ ଦୋଷ ପାଇଁ ଆପଣଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡ଼ିପାରେ । ଏଥିପାଇଁ ଆପଣଙ୍କୁ ପୁଣି ଥରେ ଖର୍ଚ୍ଚାନ୍ତ ହେବାକୁ ପଡ଼ିପାରେ। ହେଲେ ଜାଣିଛନ୍ତି କି ବିନା ଟଙ୍କା ଖର୍ଚ୍ଚରେ ବି ସାମାନ୍ୟ ବାସ୍ତୁ ଟିପ୍ସ ଫଲୋ କରି ଆପଣ ନିଜ ପରିବାରର ସୁଖଶାନ୍ତି ପୁଣି ଥରେ ଫେରି ପାଇବେ। ଏହାଦ୍ୱାରା ଘରେ ଥିବା ବାସ୍ତୁ ଦୋଷ ବି ଦୂରେଇ ଯିବ ।

କଳସ

ଘରେ ଥିବା ବାସ୍ତୁ ଦୋଷ ଦୂର କରିବାକୁ ଘରର ଉତ୍ତର-ପୂର୍ବ କୋଣରେ ଏକ କଳସ ରଖନ୍ତୁ।  କାରଣ କଳସ ଭଗବାନ ଗଣେଶଙ୍କ ରୂପ ବୋଲି ବିବେଚନା କରାଯାଏ। ଏଭଳି ପରିସ୍ଥିତିରେ ଭଗବାନ ଗଣେଶ ଆପଣଙ୍କ ଘରେ ରହିବେ ଏବଂ ପ୍ରତ୍ୟେକ ସମସ୍ୟାରୁ ମୁକ୍ତି ପାଇବାରେ ସାହାଯ୍ୟ କରିବେ।

 ସ୍ୱସ୍ତିକ ଚିହ୍ନ

ଘରର ବାସ୍ତୁ ଦୋଷ ଦୂର କରିବାକୁ ଘରର ମୁଖ୍ୟ ଦ୍ୱାରରେ ସିନ୍ଦୁରରେ ସ୍ୱସ୍ତିକ ଚିହ୍ନ କରନ୍ତୁ।  ମନେରଖନ୍ତୁ ଯେ ଏହି ସ୍ୱସ୍ତିକ ଚିହ୍ନ ନଅ ଆଙ୍ଗୁଠି ଲମ୍ବା ଏବଂ ନଅ ଆଙ୍ଗୁଠି ଚଉଡା ହେବା ଉଚିତ୍ | ଏହାକୁ ତିଆରି କଲେ ଘରୁ  ନକାରାତ୍ମକ ଶକ୍ତି ଶେଷ ହୁଏ ବୋଲି ବିଶ୍ୱାସ ରହିଛି।

ଘୋଡା ନାଲ

ବାସ୍ତୁ ଶାସ୍ତ୍ରରେ ଘୋଡା ନାଲର ଖୁବ୍‌ ମହତ୍ତ୍ୱ ରହିଛି । ଏହାକୁ ଘରେ ଲଗାଇଲେ, ବହୁ ରିଷ୍ଟ ଖଣ୍ଡନ ହେବା ସହ  ଶୁଭଫଳ ସହିତ ପ୍ରାପ୍ତ ହୁଏ । ଘରର ମୁଖ୍ୟ ଦ୍ୱାରରେ  U ଆକୃତିର ଏକ ସମ୍ପୂର୍ଣ୍ଣ ଘୋଡା ନାଲ ଲଗାଇବା ଉଚିତ ।

ପଞ୍ଚମୁଖି ହନୁମାନ  ଚିତ୍ର 

ଯଦି ଆପଣଙ୍କ ଘରର ପ୍ରବେଶ ପଥ ଦକ୍ଷିଣ ଦିଗରେ ରହିଛି, ତେବେ ଘରର ପ୍ରବେଶ ପଥରେ ଏକ ପଞ୍ଚମୁଖି ହନୁମାନଙ୍କ ଚିତ୍ର ରଖନ୍ତୁ । ଏଥିରୁ ଲାଭ ମିଳିବ । ଏହା ବ୍ୟତୀତ ପଞ୍ଚଧାତୁରେ ନିର୍ମିତ ଏକ ପିରାମିଡ୍ ପ୍ରବେଶ ଦ୍ୱାରରେ ରଖିପାରିବେ । ଏହାଦ୍ୱାରା ବି ବହୁ ଶୁଭ ଫଳାଫଳ ମଧ୍ୟ ପ୍ରାପ୍ତ ହୁଏ ।

ଲାଇଟ ବଲବ

ଯଦି ଆପଣଙ୍କର ରୋଷେଇ ଘର ଦକ୍ଷିଣ-ପୂର୍ବ କୋଣରେ ନାହିଁ ତେବେ ଏହା ବାସ୍ତୁ ଦୋଷର ମୁଖ୍ୟ କାରଣ ପାଲଟିଥାଏ। ଏପରି ପରିସ୍ଥିତିରେ, ବାସ୍ତୁ ଦୋଷ ଦୂର କରିବା ପାଇଁ, ଦକ୍ଷିଣ-ପୂର୍ବ କୋଣରେ ଏକ ଛୋଟ ବଲ୍‌ବ ଲଗାନ୍ତୁ ଏବଂ ଏହାକୁ ପ୍ରତିଦିନ ଜଳାନ୍ତୁ । ଏହାଦ୍ୱାରା ରୋଷେଇ ଘରେ ଥିବା ବାସ୍ତ ଦୋଷ ବହୁ ପରିମାଣରେ ହ୍ରାସ ପାଇଥାଏ।

କର୍ପୂର

ଘରେ ଥିବା ସାଂଘାତିକ ବାସ୍ତୁ ଦୋଷ ଦୂର କରିବାରେ କର୍ପୂର ମଧ୍ୟ ଲାଭଦାୟକ ପ୍ରମାଣିତ ହୋଇଥାଏ । ଯେଉଁଠାରେ ଆପଣଙ୍କ ଘରେ ବାସ୍ତୁ ତ୍ରୁଟି ଅଛି ସେହି ସ୍ଥାନରେ କର୍ପୂର ରଖନ୍ତୁ । ଏହା ସମାପ୍ତ ହେବା ମାତ୍ରେ ପୁଣି ଥରେ ସମାନ ସ୍ଥାନରେ ଏହାକୁ ରଖନ୍ତୁ। ଏହାଦ୍ୱାରା ବହୁ ପରିମାଣରେ ବାସ୍ତୁ ଦୋଷରୁ ମୁକ୍ତି ପାଇପାରିବେ ।