ଘରଟିଏ କରିବା ପୂର୍ବରୁ ବିଭିନ୍ନ କଥାକୁ ବିଚାରକୁ ନିଆଯାଏ। ତା’ ମଧ୍ୟରୁ ଗୋଟିଏ ହେଉଛି ବାସ୍ତୁ। ଅନେକ ଲୋକ ଘର କଲା ବେଳେ ବାସ୍ତୁକୁ ଗୁରୁତ୍ୱ ଦିଅନ୍ତି। କେବଳ ଘର ଭିତର ନୁହେଁ, ଘର ବାହାରେ କେଉଁ ଜିନିଷ କେମିତି ଓ କେଉଁଠି ରହିବା ଉଚିତ୍, ତାହା ମଧ୍ୟ ବାସ୍ତୁଶାସ୍ତ୍ରରେ ଉଲ୍ଲେଖ ରହିଛି। ବାସ୍ତୁ ଅନୁସାରେ ଘରର ଦକ୍ଷିଣ ଭାଗଟି ଖାଲୁଆ ହେବା ଉଚିତ୍ ନୁହେଁ। ଏହା ଦ୍ୱାରା ଘର ଲୋକେ ବିଭିନ୍ନ ସମସ୍ୟାରେ ପଡ଼ିଥାନ୍ତି।
କ’ଣ ସମସ୍ୟା ହୁଏ
- ଘରର ଦକ୍ଷିଣ-ପୂର୍ବ କୋଣ ବା ଅଗ୍ନିକୋଣ ଖାଲୁଆ ହୋଇଥିଲେ ବ୍ୟବସାୟରେ ସମସ୍ୟା ଆସିଥାଏ।
- ଦକ୍ଷିଣ ଭାଗ ଖାଲୁଆ ଥିଲେ ସନ୍ତାନମାନେ ଗୃହକୁ ଆସିବା ପାଇଁ ଇଚ୍ଛା ପ୍ରକାଶ କରନ୍ତି ନାହିଁ।
- ଦକ୍ଷିଣ-ପଶ୍ଚିମ ଭାଗ ଖାଲୁଆ ଥିଲେ ପରିବାରଟି ଏକତ୍ରିତ ହୋଇ ରହିପାରେ ନାହିଁ।
- ଗୃହର ନୈଋତ୍ୟ କୋଣ (ଦକ୍ଷିଣ-ପଶ୍ଚିମ କୋଣ) ଖାଲୁଆ ଥିଲେ ଗୃହକର୍ତ୍ତାଙ୍କ ସ୍ୱାସ୍ଥ୍ୟହାନୀ ହୋଇଥାଏ।
- ଦକ୍ଷିଣ ଭାଗରେ ପାଇଖାନା ଥିଲେ ସ୍ୱାସ୍ଥ୍ୟ ସମସ୍ୟା ଆସିବା ସହ ସନ୍ତାନଙ୍କ କ୍ୟାରିୟରରେ ବାଧା ସୃଷ୍ଟି ହୋଇଥାଏ।
ପ୍ରତିକାର
- ଗୃହର ଦକ୍ଷିଣ ଭାଗକୁ କେବେ ବି ଖାଲୁଆ ରଖନ୍ତୁ ନାହିଁ।
- ଦକ୍ଷିଣ ଭାଗରେ ଅଳିଆ ଆବର୍ଜନା ପକାନ୍ତୁ ନାହିଁ।
- ଗୃହର ଦକ୍ଷିଣ ଭାଗରେ ଗୁଆ ଗଛ ଲଗାଇଲେ ଶୁଭଫଳ ପ୍ରାପ୍ତି ହୋଇଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
