ଅର୍ଥାଭାବ ଲାଗି ରହୁଛି କି? ଘରୁ ଦୂର କରନ୍ତୁ ଏହି ସବୁ ବାସ୍ତୁଦୋଷ

ଭଲ ରୋଜଗାର ସତ୍ତ୍ୱେ ଅନେକ ଲୋକଙ୍କୁ ନିୟମିତ ଭାବେ ଆର୍ଥିକ ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ। ଏହା ପଛରେ ଘରର ବାସ୍ତୁଦୋଷ ଥାଇପାରେ। ଆମେ ବାସ୍ତୁ ଅନୁଯାୟୀ ଘର ନିର୍ମାଣ କଲେ ମଧ୍ୟ ଘରେ ରହିଯାଉଥିବା କିଛି କିଛି ସାମାନ୍ୟ ତ୍ରୁଟି ଯୋଗୁ ଆମକୁ ଏହିଭଳି ସମସ୍ୟା ଭୋଗିବାକୁ ପଡ଼ିଥାଏ। ସେହିଭଳି କିଛି କିଛି ସାମାନ୍ୟ ତ୍ରୁଟି ସଂପର୍କରେ ଆସନ୍ତୁ ଆଜି ଜାଣି ନେବା।

• ବାସ୍ତୁ ଅନୁଯାୟୀ ଘରେ କେବେବି ଫଟା ବା ଭଙ୍ଗା ବାସନ ରଖିବା ଉଚିତ ନୁହେଁ। ଏଥିଯୋଗୁ ଆର୍ଥିକ ସମସ୍ୟା ଘରର ପିଛା ଛାଡ଼ି ନଥାଏ। ତେଣୁ ଘରେ ଏଭଳି ବାସନ ଥିବା ନଜରକୁ ଆସିଲେ ତାକୁ ତୁରନ୍ତ ଫୋପାଡ଼ି ଦିଅନ୍ତୁ।
• ବହୁତ ଲୋକଙ୍କ ଘରର ମୁଖ୍ୟ ଦ୍ୱାର ନିକଟରେ ଜୋତା ଷ୍ଟାଣ୍ଡ ଥାଏ। ଏହା ବି ଆର୍ଥିକ ସମସ୍ୟା ସୃଷ୍ଟି କରିଥାଏ।
• ଘରେ କେବେବି ଖରାପ ହୋଇଯାଇଥିବା ଘଣ୍ଟା ରଖନ୍ତୁ ନାହିଁ। ଏହାଦ୍ୱାରା ଘର ସଦସ୍ୟଙ୍କ ଉନ୍ନତିରେ ବାଧା ସୃଷ୍ଟି ହୋଇଥାଏ। ଏଥିସହ ଘରକୁ ଧନ ଆଗମନରେ ସମସ୍ୟା ଉପୁଜିଥାଏ। ତେଣୁ ଖରାପ ହୋଇଯାଇଥିବା ତଥା ଚାଲୁ ନ ଥିବା ଘଣ୍ଟାକୁ ତୁରନ୍ତ ଘରୁ ବାହାର କରି ଦିଅନ୍ତୁ।
• ବାସ୍ତୁ ଅନୁସାରେ ଘରେ ଧନ ରଖୁଥିବା ସ୍ଥାନଟି ଯେପରି ନୀଳ ରଙ୍ଗର ହୋଇନଥିବ ସେଥିପ୍ରତି ଧ୍ୟାନ ଦିଅନ୍ତୁ। ଏପରିକି ଏହା ଆଖପାଖରେ ନୀଳ ରଙ୍ଗର ବସ୍ତୁ ମଧ୍ୟ ରହିବା ଉଚିତ ନୁହେଁ। କାରଣ ନୀଳ ରଙ୍ଗ ହେଉଛି ଜଳର ପ୍ରତୀକ। ଆଉ ଜଳର ଧର୍ମ ହେଉଛି ଗୋଟିଏ ଜାଗାରେ ସ୍ଥିର ନରହି ବୋହିଯିବା। ତେଣୁ ଧନ ଥିବା ସ୍ଥାନରେ ଏହି ରଙ୍ଗର ପ୍ରୟୋଗ ଦ୍ୱାରା ଘରେ ଧନ ରହି ପାରେନି ବୋଲି ବିଶ୍ୱାସ ରହିଛି।
• କେବେବି ଫଟା ପର୍ସ କିମ୍ବା ଭଙ୍ଗା ଆଲମାରୀରେ ଟଙ୍କା ରଖନ୍ତୁ ନାହିଁ। ଏହାଦ୍ୱାରା ଧନହାନୀ ହୋଇଥାଏ।
• ସେହିପରି ଘରେ କେବେଵି ଭଙ୍ଗା ଫର୍ନିଚର ରଖନ୍ତୁ ନାହଁ l ଏହାଦ୍ୱାରା ଘରେ ଆର୍ଥିକ ସମସ୍ୟା ଦେଖାଦେଇଥାଏ।