ସୁଧୁରୁଛି ଦେଶର ଅର୍ଥନୀତିକ ଅଭିବୃଦ୍ଧି!

ନୂଆଦିଲ୍ଲୀ: ଦେଶର ଅର୍ଥନୀତିକ ସ୍ଥିତି ସୁଧୁରୁଛି। ତୃତୀୟ ଏବଂ ଚତୁର୍ଥ ତ୍ରୟମାସିକ ଅଭିବୃଦ୍ଧି ହାର ସକାରାତ୍ମକ ରହିବ। ପ୍ରସିଦ୍ଧ ଅର୍ଥନୀତି ବିଶାରଦ ଆଶିମ ଗୋଏଲ ରବିବାର ଏହା କହିଛନ୍ତି। କରୋନା ପାଇଁ ଦେଶ ଲକଡାଉନ୍ ରହିଥିଲା। ଏବେ ହଟିବା ପରେ ଧୀରେ ଧୀରେ ଅର୍ଥନୀତିକ ସ୍ଥିତି ସୁଧୁରୁଛି ବୋଲି ଗୋଏଲ କହିଛନ୍ତି।

ସେପ୍ଟେମ୍ୱରରେ ଅନଲକ୍ 4 ହେବା ପରେ ସପ୍ଲାଏ ଚେନ୍ ଉପରେ ଲାଗିଥିବା ଅଙ୍କୁଶ ଦୂର ହୋଇଛି। ଏବେ ବଜାର ଧୀରେ ଧୀରେ ଆଗକୁ ବଢ଼ୁଛି ବୋଲି ସେ କହିଛନ୍ତି। ଗୋଏଲ ରିଜର୍ଭ ବ୍ୟାଙ୍କର ମୁଦ୍ରାନୀତି କମିଟିର ସଦସ୍ୟ ଭାବରେ ନିଯୁକ୍ତ ଅଛନ୍ତି। ସରକାରଙ୍କ ଦ୍ୱାରା ନିଆଯାଇଥିବା ନିଷ୍ପତ୍ତି ଦୀର୍ଘକାଳୀନ ଅଭିବୃଦ୍ଧିକୁ ବଜାୟ ରଖିବାରେ ସହାୟକ ହେବ ବୋଲି ସେ କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।