ବ୍ୟାଙ୍କ ଉପରୁ ତୁଟୁଛି ଚାଇନିଜଙ୍କ ଭରସା, ସରକାର ଆଣିଲେ ନୂଆ ନିୟମ

ବେଜିଂ: କରୋନା ମହାମାରୀ କାରଣରୁ ଚୀନର ଅର୍ଥବ୍ୟବସ୍ଥା ଭୁଶୁଡ଼ି ପଡ଼ିଛି। ଏହାକୁ ନଜରରେ ରଖି ଚାଇନିଜମାନେ ଏବେ ବ୍ୟାଙ୍କରୁ ଟଙ୍କା ଉଠାଇ ନେଉଛନ୍ତି। ଏହାପରେ ବେଜିଂ ସରକାର ନୂଆ ନିୟମ ଆଣିଛି। ଏଣିକି ଯେଉଁମାନେ ବ୍ୟାଙ୍କରୁ ମୋଟା ଅଙ୍କର ଟଙ୍କା ଉଠାଇବେ କିମ୍ୱା ଜମା କରିବେ ସେମାନଙ୍କୁ ପୂର୍ବରୁ ବ୍ୟାଙ୍କକୁ ଅବଗତ କରାଇବାକୁ ହେବ।

ଏହି ଯୋଜନା ଅନୁଯାୟୀ, ବ୍ୟବସାୟୀମାନଙ୍କୁ ୫୦୦,୦୦୦ ୟୁଆନ୍ ($ ୭୧,୦୦୦) ରୁ ଅଧିକ କାରବାର ବିଷୟରେ ସୂଚନା ପ୍ରଦାନ କରିବାକୁ ପଡିବ। ଏଥି ସହିତ, ସାଧାରଣ ଲୋକଙ୍କ ପାଇଁ ଏହି ସୀମା ୧୦୦,୦୦୦ ୟୁଆନ୍ ରୁ ୩୦୦,୦୦୦ ୟୁଆନ୍ ପର୍ଯ୍ୟନ୍ତ ସ୍ଥିର କରାଯାଇଛି।

ବ୍ଲୁମବର୍ଗର ରିପୋର୍ଟ ଅନୁଯାୟୀ, ପିପୁଲ୍ସ ବ୍ୟାଙ୍କ ଅଫ୍ ଚାଇନା ଏକ ବିବୃତି ଜାରି କରି କହିଛି, ଅର୍ଥ ବ୍ୟବସ୍ଥାକୁ ନିୟନ୍ତ୍ରଣରେ ରଖିବା ପାଇଁ ପାଇଲଟ୍ ପ୍ରକଳ୍ପ ଭାବେ ଏଭଳି କାର୍ଯ୍ୟକାରୀ କରାଯାଇଛି। ତେବେ ବ୍ୟାଙ୍କଗୁଡିକ ନିର୍ଦ୍ଦିଷ୍ଟ ପରିମାଣରୁ ଅଧିକ କାରବାରକୁ ପ୍ରତ୍ୟାଖ୍ୟାନ କରିପାରିବେ। ଏହି ନିଷ୍ପତ୍ତି ପ୍ରାୟ ୭୦ ନିୟୁତ ଲୋକଙ୍କୁ ପ୍ରଭାବିତ କରିବ। କରୋନା ଭାଇରସ୍ ମହାମାରୀ ପାଇଁ ବ୍ୟାଙ୍କର ଆର୍ଥିକ ଅବସ୍ଥା ଖରାପ ରହିଛି। ଏହାକୁ ସଜାଡ଼ିବା ପାଇଁ ପିପୁଲ୍ସ ବ୍ୟାଙ୍କ ଅଫ୍ ଚାଇନା ଏହି ପଦକ୍ଷେପ ନେଇଛି।

ଗତ ଚାରି ଦଶନ୍ଧି ମଧ୍ୟରେ ଚୀନ୍‌ର ଅର୍ଥନୀତିକ ଅଭିବୃଦ୍ଧି ହାର ମାନ୍ଦା ହୋଇଛି। ଏହି ସମୟରେ ଚାଇନାର ବ୍ୟାଙ୍କ ଗୁଡିକରେ ଋଣ ହାର ବଢ଼ିଛି। ହୁବେଇ ଏବଂ ଶାନସିର ଦୁଇଟି ସ୍ଥାନୀୟ ବ୍ୟାଙ୍କରେ ଲୋକମାନେ ନିଜ ଟଙ୍କା ବାହାର କରୁଥିବା ନଜିର ରହିଛି। ଏହାକୁ ରୋକିବା ପାଇଁ ସରକାର ନୂଆ ଯୋଜନା ଘୋଷଣା କରିଛନ୍ତି।

ସୂଚନାଯୋଗ୍ୟ, ବ୍ୟାଙ୍କ ଗୁଡ଼ିକର ଆର୍ଥିକ ଅବସ୍ଥା ଖରାପ ଥିବାରୁ ଉଦ୍ଧାର କରିବା ପାଇଁ ଗତ ବର୍ଷ ଚାଇନା ସରକାର ବ୍ୟାଙ୍କ ଗୁଡ଼ିକ ପାଇଁ ବେଲଆଉଟ୍ ପ୍ୟାକେଜ୍ ଘୋଷଣା କରିଥିଲେ।

ଆହୁରି ପଢ଼ନ୍ତୁ

ଆଇଏଏସ୍ ପାଇଥିବା ଐଶ୍ୱର୍ଯ୍ୟାଙ୍କ ନାଁରେ ୧୬ଟି ଫେକ୍ ଆକାଉଣ୍ଟ, ମାମଲା ରୁଜୁ

ହରିଆଣା ମୁଖ୍ୟମନ୍ତ୍ରୀଙ୍କୁ ଭେଟିଲେ ସୁଶାନ୍ତଙ୍କ ବାପା ଓ ଭଉଣୀ, ଜାଣନ୍ତୁ କାରଣ

କିଛି ଦିନ ପରେ ବାପା ହୋଇଥାଆନ୍ତେ, କିନ୍ତୁ ବିମାନ ଦୁର୍ଘଟଣା ନେଇଗଲା ଜୀବନ

ଦୁଇ ଥର ଭାଗ୍ୟ ସାଥ ଦେଲା! ନିଶ୍ଚିତ ଦୁର୍ଘଟଣାରୁ ବର୍ତ୍ତିଗଲା ବିମାନ

ସାମ୍ନାକୁ ଆସିଲା ଦିଶାଙ୍କ ଶେଷ ଭିଡିଓ, ଶୁଟିଂର କିଛି ଘଣ୍ଟା ପରେ ମିଳିଥିଲା ମୃତଦେହ

ମରିଗଲା ମାନବିକତା! ହସ୍ପିଟାଲ ଆଗରେ ବୃଦ୍ଧାଙ୍କୁ ନିର୍ଘାତ ମାଡ଼, ଭିଡିଓ ଭାଇରାଲ

‘ଠକ ଠକ’ ଗ୍ୟାଙ୍ଗର ଦୁଇ ସଦସ୍ୟ ଗିରଫ, କୋଟିଏ ଟଙ୍କାରୁ ଅଧିକ ଦାମର ଅଳଙ୍କାର ଠାବ

କେମିକାଲ ଫ୍ୟାକ୍ଟ୍ରୀରେ ଭୟଙ୍କର ଅଗ୍ନିକାଣ୍ଡ

ପାଣ୍ଡ୍ୟାଙ୍କ ପୁଅଙ୍କୁ ବଡ଼ ହେଲେ ଏମିତି ହେବାକୁ ପରାମର୍ଶ ଦେଲେ କେଏଲ ରାହୁଲ

ଛେଳିଙ୍କ ଡିସ୍କୋ ଡ୍ୟାନ୍ସ, ଭିଡିଓ ଭାଇରାଲ

ସୁଶାନ୍ତଙ୍କ ଶେଷ ସନ୍ତକ ଜାରି କରି ଇମୋସନାଲ ହେଲେ ରିୟା ଚକ୍ରବର୍ତ୍ତୀ

ରିୟାଙ୍କ ଆବେଦନକୁ ବିରୋଧ, ସୁପ୍ରିମକୋର୍ଟରେ ପହଞ୍ଚିଲେ ସୁଶାନ୍ତଙ୍କ ବାପା