ଶସ୍ତା ହେଲା ଏଲପିଜି ଗ୍ୟାସ ଦର। ୧୯ କେଜି କମର୍ସିଆଲ(ବାଣିଜ୍ୟିକ) ସିଲିଣ୍ଡର ଦାମ୍ ୩୦ ଟଙ୍କା ହ୍ରାସ ପାଇଛି। ଦିଲ୍ଲୀ, ମୁମ୍ବାଇ, କୋଲକାତା ଏବଂ ଚେନ୍ନାଇ ଭଳି ମେଟ୍ରୋ ସିଟି ସମେତ ସମଗ୍ର ଦେଶରେ ଏହି ଦର ଲାଗୁ କରାଯାଇଛି।
ଦର ହ୍ରାସ ପାଇବା ପରେ ଦିଲ୍ଲୀରେ କମର୍ସିଆଲ ସିଲିଣ୍ଡର ମୂଲ୍ୟ ୧,୬୪୬ ଟଙ୍କାକୁ ହ୍ରାସ ପାଇଛି। ସେହିପରି ମୁମ୍ବାଇରେ ୧,୫୯୮ ଟଙ୍କା ୧,୮୦୯ ଟଙ୍କା ଏବଂ କୋଲକାତାରେ ସିଲିଣ୍ଡର ପିଛା ୧,୭୮୭ ଟଙ୍କା ରହିଛି।
Also Read
ଏପ୍ରିଲ ପୂର୍ବରୁ କ୍ରମାଗତ ତିନି ମାସ କମର୍ସିଆଲ ସିଲିଣ୍ଡର ଦର ବୃଦ୍ଧି ପାଇ ଚାଲିଥିଲା। କିନ୍ତୁ ଏପ୍ରିଲ ପହିଲାରୁ ଏଥିରେ ବ୍ରେକ୍ ଲାଗିଥିଲା। ଏପ୍ରିଲ ପହିଲାରେ ୧୯ କେଜି କମର୍ସିଆଲ ସିଲିଣ୍ଡର ଦାମ୍ ୩୦.୫୦ ଟଙ୍କା ହ୍ରାସ ପାଇବା ପରେ ମେ ୧ରେ ସିଲିଣ୍ଡର ପିଛା ୧୯ ଟଙ୍କା ଏବଂ ଜୁନ୍ ୧ରେ ୬୯ ଟଙ୍କା ହ୍ରାସ ପାଇଥିଲା।
ତେବେ ଯଦି ଆମେ ଘରୋଇ LPG ସିଲିଣ୍ଡର ଦାମ୍ କଥା କହିବା, ତେବେ ଏଥିରେ କୌଣସି ପରିବର୍ତ୍ତନ କରାଯାଇ ନାହିଁ। ୧୪.୨ କେଜି ଘରୋଇ ଗ୍ୟାସ ସିଲିଣ୍ଡର ଦର ପୂର୍ବରୁ ଯାହା ଥିଲା, ତାହା ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
