EPF ଖାତାଧାରୀଙ୍କ ପାଇଁ ଖୁସି ଖବର। ବଢ଼ିଲା ସୁଧହାର। କର୍ମଚାରୀ ଭବିଷ୍ୟନିଧି ପାଣ୍ଠି ସୁଧହାର ବୃଦ୍ଧି ନେଇ ଘୋଷଣା କରିଛି EPFO। ସୁଧହାର ୮.୧୫ରୁ ବଢ଼ାଇ ୮.୨୫ ପ୍ରତିଶତ କରାଯାଇଛି। ଫଳରେ ଲକ୍ଷଲକ୍ଷ କର୍ମଚାରୀ ଉପକୃତ ହେବେ।
ବିଗତ ୩ ବର୍ଷରେ ଏହା ସର୍ବାଧିକ ସୁଧହାର। EPFOର ସର୍ବୋଚ୍ଚ ନୀତି ନିର୍ଦ୍ଧାରଣ ସଂସ୍ଥା ସେଣ୍ଟ୍ରାଲ ବୋର୍ଡ ଅଫ ଟ୍ରଷ୍ଟି ଏହି ନିଷ୍ପତ୍ତି ନେଇଛନ୍ତି। ୨୦୨୧-୨୨ରେ ସୁଧହାର ୮.୧ ପ୍ରତିଶତ ଥିବା ବେଳେ ୨୦୨୨-୨୩ରେ ୮.୧୫ ପ୍ରତିଶତ ଓ ୨୦୨୩-୨୪ରେ ଏହାକୁ ବୃଦ୍ଧି କରି ୮.୨୫ ପ୍ରତିଶତ କରାଯାଇଛି।
Also Read
ଏକ ସୂତ୍ରରୁ ପ୍ରକାଶ ଯେ, ଇପିଏଫ୍ଓର ସର୍ବୋଚ୍ଚ ନିଷ୍ପତ୍ତି ଗ୍ରହଣକାରୀ ସଂସ୍ଥା, 'ସେଣ୍ଟ୍ରାଲ୍ ଟ୍ରଷ୍ଟି ବୋର୍ଡ' (ସିବିଟି) ଶନିବାର ହୋଇଥିବା ଏକ ବୈଠକରେ ୨୦୨୩-୨୪ ପାଇଁ EPF ଉପରେ ୮.୨୫ ପ୍ରତିଶତ ସୁଧ ହାର ପ୍ରଦାନ କରିବାକୁ ନିଷ୍ପତ୍ତି ନେଇଛି।
ସିବିଟିର ନିଷ୍ପତ୍ତି ପରେ, ୨୦୨୩-୨୪ ପାଇଁ EPF ଜମା ଉପରେ ସୁଧ ହାର ସମ୍ବନ୍ଧୀୟ ନିଷ୍ପତ୍ତି ଅନୁମୋଦନ ପାଇଁ ଅର୍ଥ ମନ୍ତ୍ରଣାଳୟକୁ ପଠାଯିବ।ସରକାରଙ୍କ ଅନୁମୋଦନ ପରେ, ସୁଧ ହାର EPFO ର ୬କୋଟିରୁ ଅଧିକ ଗ୍ରାହକଙ୍କ ଆକାଉଣ୍ଟରେ ଜମା ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
