ଦେଶରୁ ଜିଏସ୍ଟି ବାବଦରେ ଆଦାୟ ହେଉଥିବା ରାଜସ୍ୱ ସଂଗ୍ରହର ପରିମାଣ ବୃଦ୍ଧି ପାଇଛି। ଜୁଲାଇ ମାସରେ ସମଗ୍ର ଦେଶରୁ ୧,୬୫,୧୦୫ କୋଟି ଟଙ୍କାର ଜିଏସ୍ଟି ସଂଗ୍ରହ କରାଯାଇଛି। ଏହା ଗତବର୍ଷ ତୁଳନାରେ ୧୧% ଅଧିକ। ଏନେଇ ଆଜି ଅର୍ଥମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, କ୍ରମାଗତ ୫ମଥର ପାଇଁ ଜିଏସ୍ଟି ସଂଗ୍ରହ ୧.୫୦ ଲକ୍ଷ କୋଟି ଉପରେ ରହିଛି। ୨୦୨୩ ଏପ୍ରିଲରେ ୧.୮୭ ଲକ୍ଷ କୋଟି ଟଙ୍କାର ଜିଏସଟି ସଂଗ୍ରହ ହୋଇଥିଲା। ଏହା ସର୍ବକାଳୀନ ରେକର୍ଡ ରହିଥିଲା।
Also Read
ଅର୍ଥମନ୍ତ୍ରଣାଳୟ ପକ୍ଷରୁ ଜାରି ବିବୃତିରେ କୁହାଯାଇଛି ଯେ ଜୁଲାଇ ମାସରେ ମୋଟ ୧,୬୫,୧୦୫ କୋଟି ଟଙ୍କା ଜିଏସଟି ବାବଦରୁ ମିଳିଛି। ଏହା ମଧ୍ୟରେ କେନ୍ଦ୍ରୀୟ ଜିଏସ୍ଟିର ପରିମାଣର ୨୯,୭୭୩ କୋଟି ଓ ରାଜ୍ୟ ଜିଏସଟିର ପରିମାଣ ୩୭,୬୨୩ କୋଟି ରହିଛି।
ସେହିପରି ଆଇଜିଏସ୍ଟି ବାବଦରେ ୮୫,୯୩୦ କୋଟି ମିଳିଛି। ଏହା ମଧ୍ୟରେ ଆମଦାନୀ ଦ୍ରବ୍ୟରୁ ମିଳିଥିବା ୪୧,୨୩୯ କୋଟି ଟଙ୍କା ମିଶିଛି। ଏହାବାଦ ସେସରୁ ୧୧,୭୭୯ କୋଟି ଟଙ୍କା ସଂଗ୍ରହ କରାଯାଇଛି।
ଜୁନ ମାସରେ ଜିଏସ୍ଟି ବାବଦରେ ୧,୬୧,୪୮୭ କୋଟି ଟଙ୍କା ମିଳିଥିଲା। ସେହିପରି ଏପ୍ରିଲ ମାସରେ ଏହା ରେକର୍ଡ ୧.୮୭ ଲକ୍ଷ କୋଟି ଛୁଇଁ ଥିଲା। ମେ’ ମାସରେ ଜିଏସ୍ଟି ଆଦାୟ ପରିମାଣ ୧,୫୭,୦୯୦ କୋଟି ଥିଲା।
ମନ୍ତ୍ରଣାଳୟ କହିଛି ଯେ ଘରୋଇ ନେଣଦେଣ(ଆମଦାଦୀ ସେବାକୁ ମିଶାଇ) ବାବଦରେ ମିଳିଥିବା ରାଜସ୍ୱ ଗତବର୍ଷ ଜୁଲାଇ ମାସ ତୁଳନାରେ ୧୫% ଅଧିକ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
