ଦେଶର ଦୁଇ ବଡ଼ ସଂସ୍ଥା ନ୍ୟାଶନାଲ ଷ୍ଟକ ଏକ୍ସଚେଞ୍ଜ(ଏନଏସ୍ଇ) ଓ ବମ୍ବେ ଷ୍ଟକ ଏକ୍ସଚେଞ୍ଜ(ବିଏସ୍ଇ) ଏକାଠି ହେବେ। ଏନଏସଇ ଓ ବିଏସ୍ଇ ମିଳିତ ଭାବେ ଗୁଜରାଟ ଇଣ୍ଟରନ୍ୟାଶନାଲ ଫାଇନାନ୍ସ ଟେକ ସିଟି(ଜିଆଇଏଫଟି ସିଟି)ରେ ଲୀନ ହେବେ।
ଏହି ମିଶ୍ରଣ ପ୍ରକ୍ରିୟା ଏକ ପ୍ରକାରର ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚି ଯାଇଛି। ଉଭୟ ସଂସ୍ଥା ଏନେଇ ଚଳିତ ମାସ ଶେଷ ଭାଗରେ ନ୍ୟାଶନାଲ କମ୍ପାନୀ ଲ’ ଟ୍ରିବ୍ୟୁନାଲ(ଏନସିଏଲଟି) ନିକଟରେ ଆବେଦନ ଦାଖଲ କରିବେ ବୋଲି ସେବି ସୂତ୍ରରୁ ଜଣାପଡ଼ିଛି।
Also Read
ମିଳିଥିବା ସୂଚନା ଅନୁସାରେ, ଏନଏସ୍ଇ ଓ ବିଏସ୍ଇର ମିଶ୍ରଣ ପ୍ରସ୍ତାବକୁ ଉଭୟ ସଂସ୍ଥାର ବୋର୍ଡ ଅନୁମତି ଦେଇଛନ୍ତି। ଏକଦା ଦୁଇ ବଡ଼ ଷ୍ଟକ ଏକ୍ସଚେଞ୍ଜ ଚୀରପ୍ରତିଦ୍ୱନ୍ଦ୍ୱୀ ଭାବେ କାମ କରୁଥିଲେ। କିନ୍ତୁ ଏବେ ଉଭୟ ଏକାଠି ହୋଇ ଗୁଜରାଟ ଇଣ୍ଟରନ୍ୟାଶନାଲ ଫାଇନାନ୍ସ ଟେକ ସିଟି(ଜିଆଇଏଫଟି ସିଟି)ରେ ଲୀନ ହେବେ। ଏଥିପାଇଁ ସରକାରୀ ସ୍ତରରେ ମଧ୍ୟସ୍ଥତା କରାଯାଇଥିବା ମଧ୍ୟ ଜଣାପଡ଼ିଛି।
ବିଏସଇ ପ୍ରାୟ ୨୨୫ କୋଟି ଟଙ୍କା ଇଣ୍ଡିଆ ଆଇଏନଏକ୍ସରେ ନିବେଶ କରିଛି। ତେବେ ଏନଏସଇ ମିଶ୍ରଣ ବେଳେ ଅଧିକ ଶେୟାର ପାଇବ। ଉଭୟ ଇଣ୍ଡିଆ ଆଇଏନଏକ୍ସ ଓ ଏନଏସ୍ଇ ଆଇଏଫଏସ୍ସି ୨୦୧୭ରୁ ତାଙ୍କ କାର୍ଯ୍ୟ ଆରମ୍ଭ କରିଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
