ସୁବ୍ରତଙ୍କ ଗଲା ପରେ ଟେନସନରେ ଜମାକାରୀ !

ସାହାରା ଇଣ୍ଡିଆ ମୁଖ୍ୟ ସୁବ୍ରତ ରାୟଙ୍କ ବିୟୋଗ ପରେ ଜମାକାରୀଙ୍କୁ ଘାରିଛି ଚିନ୍ତା । ନିଜ ଜମା ଟଙ୍କା ଫେରି ପାଇବେ କି ନାହିଁ, ବର୍ତ୍ତମାନ ସେମାନଙ୍କ ମନରେ ଏହି ପ୍ରଶ୍ନ ଉଠିଛି । ସାରା ଦେଶରେ ଲକ୍ଷ ଲକ୍ଷ ଲୋକ ସାହାରା କମ୍ପାନିରେ ଟଙ୍କା ଜମା କରିଥିଲେ। କିନ୍ତୁ ଟଙ୍କା ଫେରି ପାଇ ନଥିଲେ। ଏହାକୁ ନେଇ ସୁପ୍ରିମକୋର୍ଟରେ ମଧ୍ୟ ମାମଲା ହୋଇଥିଲା। କେନ୍ଦ୍ରସରକାର ଏକ ସ୍ବତନ୍ତ୍ର ପୋର୍ଟାଲ ମଧ୍ୟ କରିଛନ୍ତି । ତଥାପି ଲୋକଙ୍କ ମନରେ ରହିଛି ଆଶା ଆଶଙ୍କା।